«Chelsi» hujumchisi Diego Kosta «Milan» klubi qiziqishlari doirasida turibdi. Sky Sports nashrining xabariga ko'ra, futbolchining agenti Xorxe Mendesh «Milan» direktorlari Marko Fassone va Massimiliano Mirabelli bilan ushbu hafta uchrashadi. Avvalroq, tomonlar kelishuvning ba'zi qismlarini Kardiffda EChL finalidan oldin kelishib olgandilar. 28 yoshli hujumchiga Xitoydan ham taklif bor. «Tyantszin Tsyuantszyan» yanvarda Diegoga yiliga 38 mln evrolik shartnoma taklif etgan edi. Kostaning «Chelsi» bilan amaldagi shartnomasi 2019 yilga qadar mo'ljallangan bo'lib, hujumchining taxminiy narxi 50 mln evroga baholanmoqda.
— deya xabar beradi uff.uz nashri.