Janubiy Koreyada o'tayotgan yoshlar o'rtasidagi JChning (U-20) ilk finalchisi nomi ma'lum bo'ldi. «Daejeon World Cup Stadium»da kechgan bahsda Urugvay va Venesuela terma jamoalari to'qnash keldilar. Uchrashuvning 49-daqiqasida hakam Venesuela darvozasi tomon penalti belgiladi, 11 metrlik jarima zarbasini Nikolas de la Krus aniq bajardi. Ikkinchi bo'limning hakam tomonidan qo'shib berilgan daqiqasida urugvaylik futbolchilar o'z darvozalaridan gol o'tkazib yubordilar. Samuel Sosaning aniq zarbasi tomonlarni qo'shimcha bo'limlarga chorladi. Overtaymda ham murosa yo'li tanlandi va penaltilar seriyasida omad Venesuelaga (4:3) kulib boqdi. Shu tariqa Venesuela musoboqa finaliga yo'l oldi va Italiya – Angliya uchrashuvi g'olibiga qarshi to'p suradi. JCh-2017 (U-20) Yarim final Urugvay U-20 – Venecuela U-20 1:1  penalti - 3:4 Gollar: 1:0 – 49, penalti de la Krus, 1:1 – 90 Sosa. Urugvay U-20 – Mele, Bueno, Roxel, Olivera, Sarakki (Benavides, 76), de la Krus, Valverde, Bentankur, Rodriges, Skyappakasse (Ardais, 67), Kanobbio. Venecuela U-20 – Farines, Mexias, Ferraresi, Kero (Makoun, 120), Kordova (Sosa, 76), Errera, Ernandes, Lusena, Penyaranda, Chakon (Urtado, 83), Penya (Soteldo, 58). Ogohlantirishlar: Errera (18), Ernandes (60), de la Krus (73), Kanobbio (79), Penyaranda (80), Sosa (80), Bentankur (89), Benavides (105), Mexias (117).
— deya xabar beradi uff.uz nashri.