Tayland terma jamoasi so'nggi tayyorgarlik uchun tanlanganida juda ham ko'p qarshiliklar, turli gap so'zlar juda ko'p bo'ldi. Nima emish Tayland terma jamoasi bizga munosib emas ekan. Lekin bugungi o'yinimiz shuni ko'rsatib berdiki biz ular bilan tengma-teng o'ynashgagina qodir ekanmiz. Bugungi o'yindan keyin ikki jamoa turlicha qarashlarga, xulosalarga ega bo'ldi. Tasavvur qilyapsizmi biz Tayland terma jamoasi bilan bir guruhda o'rin olganimizda safarda ochko olishimiz qiyin bo'lar ekan. Bundan tashqari agar biz biroz bosim bilan o'ynaganimizda bugungi o'yinni ham boy berishimiz aniq edi. Mavzudan chetlashmasdan o'yinga qaytsak. Terma jamoamiz ustozi bugungi o'yinda asosiy tarkibga tushirilgan o'yinchilar haqida ma'lumotga egasiz. Niyat qiling o'sha tarkib Eron bilan asosiy bo'lmasin. Tayland jamoasi ham shunchaki Toshkentga sayrga kelmaganini isbotlashga harakat qildi. Ular harakat qilishi uchun biz imkoniyat yaratib berdik aslida. Darvozabonimizga bugun ish topilmadi deydiganlar xato qiladi. Jamoamiz «yuragi» to'pni tepish, o'z joyini tashlab chiqib himoyachilarga yordam berishni uddaladi. Shunisiga ham shukr. Lekin uning oddiy to'pni etkizib berayotgan paytda ham biroz o'zini beo'xshov tutganini aytib o'tishimiz kerak. O'yin boshida bizning chap qanotimiz himoyasida kamchiliklar borligi yaqqol sezilib turdi. Bu kamchiliklar markazda ham ko'zga tashlanmoqda. Hujumga o'tib ketayotgan Krimets biz aytayotganimiz kuchsiz jamoaning hujumchilarini shunchaki kuzatib qo'ymoqda.  Stanislav Andreevning ham «reyd» chalarida hech qanday aniq bir g'oya yo'qdek. Bundan tashqari u ketgandan so'ng o'ng qanot himoyachisi uning o'rnini bosish uchun o'sha qanotga yugurib bordi. Sharxlovchimizdan maqtov eshitgan o'ng qanot himoyachisi aslida markazga yaqinlashishi chap qanotga yaqinroq so'nggi himoyachimiz yoki Krimets o'sha paytda uning o'rnini egallashi kerak emasmidi? Shunday bo'lishi kerak faqat bizning futbolda emas. Markaziy himoyada ham qanotda ham muammolar talaygina. Hattoki bosh bilan o'yinda ham biznikilardan pastroq bo'yli hujumchilar ildamlab ketishmoqda, qaytgan to'pga harakatlarda ham yana raqibimizga imkoniyatni berib qo'ymoqdamiz. Tayanch yarim himoyachilari sifatida Afonin hamda Xaydarov tanlandi. Men uchun Xaydarovning joyida hozircha bir futbolchi tengsiz. U ham bo'lsa aynan uning o'zi. Xaydarov bugun hujumlarga ko'p qo'shilmadi. O'tib ketayotgan raqibni qanday bo'lmasin to'xtatmoqda, uning ishi ham aynan shu. Undan hech kim ajoyib to'p uzatishniyu, aldamchi harakatlar bilan hujumga o'tishni kutmaydi. Kutmasin ham! Afonin esa hujumda sayr qilib yuribdi. Markazdan yorib kirayotgan hujumchilar aynan uning pozitsiyasi ochiqligi uchun kirib ketmoqda. Yarim himoyachilar haqida DAVOMI:
— deya xabar beradi uff.uz nashri.