«Real» klubining sobiq bosh murabbiyi Fabio Kapello madridliklarning hozirgi ustozi Zinedin Zidan borasida o'zining iliq fikrlarini bildirib o'tdi. «EChLdagi ketma-ket ikki g'alaba meni hayron qoldirdi. Zidanda boshqara olish qobilyati kuchli, shuning uchun «Real»da ichki muhit tinch holatda. Boshqa tomondan, Zizu juda kamtarin va bu juda yaxshi fazilat. Shuningdek, u jamoani taktik jihatdan ham yaxshi boshqaradi. U «Real»ning o'yiniga oz miqdorda italyancha uslub kiritdi. «Real» nafaqat hujum qilmoqda, balki himoyalanmoqda ham. Ular bu ishni yaxshi uddalashmoqda», — deya Kapello so'zlarini keltirmoqda AS nashri. Zinedin Zidan 1996-2001 yillar oralig'ida Italiyaning «Yuventus» klubida o'ynagan, keyinchalik «Real»ga yo'l olgan.  «Qirollik klubi» bilan birga 44 yoshli mutahassis Ispaniya chempioni, ikki marta EChL g'olibi, UEFA Superkubogi va klublar o'rtasida JCh g'olibi bo'ldi.
— deya xabar beradi uff.uz nashri.