Ijara asosida "Xerenven" safida to'p surayotgan "Real" klubi yarim himoyachisi Martin Edegor Gollandiyada yana bir yil qolishni qaror qildi. "Bu mening tanlovim, chunki ko'proq o'ynashni istayman. Men uchun yuqori saviyada o'ynash muhimroq. Boshqa variant bo'lganida Madridda qolar edim va eng yaxshi o'yinchilar bilan har kungi mashg'ulotlar menga foydali bo'lardi. Mavsum oxirida shu erda yana bir yil qolishga qaror qildim. To'g'ri qaror chiqardim deb o'ylayman, chunki katta tarixga ega va yoshlarning rivojlanishiga yordam berayotgan klubda o'ynayapman. "Real" - menga ishonadi. Ular o'yinlarimni kuzatib borishlarini aytishdi. Madrid vakillari bilan tez-tez gaplashib turibman" - deydi yosh vunderkind. Ma'lumot uchun, 18 yoshli futbolchi Gollandiya chempionatining 16 uchrashuvda maydonga tushib, bitta gol urdi va 3ta golga asistentlik qildi.
— deya xabar beradi uff.uz nashri.