Yanvar oyida Qatarda bo'lib o'tadigan Osiyo chempionatiga tayyorgarlik ko'rishni boshlaydigan O'zbekiston olimpiya terma jamoasining nazorat o'yinlaridagi raqiblari nomi aniq bo'ldi.
30 noyabrda Toshkentda yig'iladigan jamoa 2-14 dekabr va 19-28 dekabr kunlari Dubayda yig'in o'tkazadi. 2-9 yanvar kunlariga mo'ljallangan yakuniy yig'in ham Dubayda o'tishi mo'ljallangan. Keyin olimpiyachilarimiz Doxaga yo'l oladi va 13 yanvarda Janubiy Koreya olimpiya terma jamoasiga qarshi uchrashuv bilan Osiyo Kubogidagi ishtirokini boshlaydi.
"Terma jamoalar markazi" olib borgan muzokaralar yakunida jami 7 nazorat uchrashuvi tashkil etilishiga erishildi.
Raqiblar va o'yinlar sanalari quyidagicha:
7 dekabr - "Al Vasl" (BAA)
13 dekabr - Yaponiya
20 dekabr - KXDR
23 dekabr - BAA
27 dekabr - Qatar
4 yanvar - Xitoy
6 yanvar - Iordaniya.
— deya xabar beradi uff.uz nashri.