"Barselona" klubi sobiq bosh murabbiyi Yoxan Kruiff kataloniyaliklar hujumchisi Lionel Messini madridliklar hujumchisi Krishtianu Ronaldu bilan taqqoslab ko'rdi. Uning fikricha, argentinalik fubolchi portugaliyalik hamkasbiga qaraganda, ustunroq ekan.
"Menga hamisha past bo'yli futbolchilar yoqib kelgan, chunki o'zim ham shunaqaman. Ronaldu - buyuk futbolchi, ammo u to'purar. U hech qachon jamoani yaratadigan futbolchi bo'lmaydi. Shuningdek, u jamoa yaxshi o'ynashi uchun kuyib-pishmaydi ham.
Ronaldu bor e'tiborini faqat hujumni yakunlashga qaratgan. Messiga kelsak: u Ronaldudan farqli o'laroq, jamoaviy o'yinchi hisoblanadi. Golli uzatmalar beradi.
Shunday ekan, men uchun yaxshi futbolchi va to'purar o'rtasida farq bor. Bu hislatni hammayam ko'ra olmaydi", - deydi Marca nashri Kruiff so'zlarini keltirib.
— deya xabar beradi uff.uz nashri.