Tavsiya qilamiz:
UzBARCA.COM - FC Barcelona Muxlislar sayti !!!
" Real madrid " muxlislari sayti !!!
"FUTBOL TV " Yangiliklar !!
" Real madrid " muxlislari sayti !!!
"FUTBOL TV " Yangiliklar !!
Vaqt ixtiyoriga havola masala yoki yana «Loko» haqida (InterFUTBOL blogi)
«Lokomotiv» - o'zbek futbolida tashkil etilgan megaloyihalar ichida eng omadsizi, desak mubolag'a bo'lmas. Klub o'z oldiga ulkan maqsadlar qo'ydi, tarkibga kuchli futbolchilarni jamladi, ammo na natija va na jamoa imijini yaxshilash borasida biror yutuqqa erisha oldi.
«Temiryo'lchilar»ning o'tgan besh yil ichida faqatgina bitta kubok bilan cheklanishgani mayliku-ya, mo''jazgina stadionni tomoshabinlar bilan to'ldira olishmayotgani haqiqiy fojia. Mavsum davomida 2-3ta o'yinni hisobga olmasa, boshqasida arena huvilladi. Klub uchun sarflangan pulni natija va muxlislar soniga tenglashtirib, foydalilik koeffitsientini keltirib chiqarsak, kamtarona raqamlarga ko'zimiz tushishi turgan gap. Xo'sh, «Lokomotiv» besh yillik tinimsiz mehnat va qilingan katta xarajatlarga qaramay, nima sababdan haqiqiy grand klub maqomiga erisha olmayapti? Buni tushunib etish uchun boshqa klub tarixiga murojaat etishga to'g'ri keladi.
«BUNYoDKOR» SINGARI
Istaymizmi, yo'qmi, hozirgi «Lokomotiv» haqida gapirganda bir vaqtlari o'zbek futboliga mardonavor qadamlar bilan kirib kelgan «qaldirg'ochlar» yodga tushadi. Bu o'rinda gap hozirgi «Bunyodkor» haqida ketmayapti, zero bugun besh yil oldingi jamoaning faqat soyasi qolgan, xolos. Aqalli bir murabbiyni eplab ishga taklif etolmayotgan klubni qanday qilib «Lokomotiv»ga o'rnak sifatida ko'rsata olardik? O'tgan hafta «Feyenoord»dan vakillar kelib, «Bunyodkor» stadioni haqida iliq fikrlar bildirishganini aytaylikmi? Axir «Lokomotiv» ham Angliyaning «Flitvud Taun» klubi bilan allaqachon hamkorlikni boshlab yuborgan-ku. «Temiryo'lchilar»ning ikki nafar futbolchisi tumanli o'lkada malaka oshirmoqda. Ko'rib turganingizdek, bu borada ham «Bunyodkor» boshqalarga o'rnak bo'lishi juda qiyin. Shunday ekan, e'tiborimizni «qaldirg'ochlar»ning dastlabki parvozlariga guvoh bo'lgan davrga qaratish bilan cheklanamiz.
«Bunyodkor»ning avvalgi saviyasidan ko'p narsa qolmagan, lekin tan olaylik, ushbu klub Osiyo darajasida hamon juda yaxshi tanish. Shuningdek, «Lokomotiv»dan farqli o'laroq, «Bunyodkor»ning oz sonli bo'lsa-da, o'ta fidoyi fanatlari bor. Ular kezi kelganda hatto klub rahbariyati va murabbiyidan iste'fo talab qilishni ham uddalaydilar.
Bunday darajaga erishish uchun «Bunyodkor» yangi tashkil etilgan vaqtlarda ko'p va xo'p mehnat qilindi. To'g'ri, Rivaldo, Skolari va Ziko kabi yulduzlarning taklif etilishi jamoa shuhratini oshirishda asosiy mezonga aylandi. O'z navbatida, klubda dastlab tashkil etilgan marketing va menejment xizmati sifatini e'tirof etmaslik noinsoflikka teng. Jamoa «Quruvchi» nomida faoliyat yuritgan, Rivaldo-yu Skolaridan asar ham bo'lmagan vaqtlardayoq klub puxta ishlaydigan marketingi bilan hayron qoldirgandi. OAV va muxlislar bilan munosabat a'lo darajada yo'lga qo'yildi. Xususan, o'sha kezlari futbol klubini televidenie orqali reklama qilish mumkinligiga ilk marotaba guvoh bo'lganmiz. Bunga o'xshash tadbirlar bisyor edi. Natijada klub qisqa vaqt ichida o'zbek futbolida etakchilar qatoriga kirdi va qit'ada ham o'z so'zini ayta boshladi.
O'z navbatida, muxlislar bilan ishlash masalalariga ham mutlaqo yangicha tarzda yondashildi, kuchli fan-klub tuzildi. Shu tariqa «Bunyodkor»dagi o'zgarishlar nafaqat klub, balki butun o'zbek futbolini yangicha yo'nalishda ish yuritishga undadi. O'shanda butun O'zbekiston bo'ylab muxlislar klubi tashkil etila boshlangan va «Paxtakor»ning avvaldan mavjud bo'lgan, ammo etarlicha raqobat yo'qligi vajidan yarim mudroq holga kelib qolgan fan-klubi ham uyg'ongandi. Endi nafaqat jamoalar, balki ularning muxlislari o'rtasidagi «to'qnashuvlar» ham futbolning bir qismiga aylandi. O'z navbatida, yuzaga kelgan bu kabi intriga chempionatimizga o'zgacha mazmun olib kirgan edi. To'g'ri-da, muxlissiz futbolda joziba bo'larmidi?
«LOKOMOTIV»
Hozir u kunlar tarixga aylangan. Bir jamoaning kuchsizlanishi oqibatida chempionatdagi raqobatga ham putur etdi, stadionlar esa huvillab qoldi. «Lokomotiv» yangicha rivojlanish yo'liga o'tgani haqida xabarlar paydo bo'lgach, mana shu intriga qayta jonlanishini kutgandik. Ammo unday bo'lmadi. Xo'sh, buning sabablari nimada?
Aslida, «Lokomotiv»ni avvalgi «Bunyodkor»ning ojizroq nusxasi, deyish mumkin. Ammo hamma gap shundaki, «temiryo'lchilar» rivojlanish yo'lida asosan «qaldirg'ochlar»da uchragan salbiy jihatlarni o'zlashtirishga qaror qilgan ko'rinishadi. Ya'ni, «Lokomotiv» ham o'sha «Quruvchi» singari katta mablag' evaziga yurtimizdagi kuchli futbolchilarni o'z tarkibiga jamlab oldi, ammo boshqa masalada yangilik qilishni istamadi yoki uddalay olmadi. Eng avvalo, shuni ta'kidlash lozim, klubda muxlislar borasida amalga oshirilgan ishlar oliy liganing o'rtamiyona yoki autsayder klublarinikidan deyarli farqlanmaydi. Fan-klub bormi, bor. Uning asosan yosh bolakaylardan tashkil topgani, o'yinlar o'tkazilayotgan pallalarda stadionning bir burchagida yo'q bo'lib ketayotgani ikkinchi darajali masala. Asosiysi, fan-klub nomiga bo'lsada mavjud. Aftidan, «Lokomotiv»ni shundan boshqasi tashvishga solmaydigan ko'rinadi.
Ammo to'rt muxlisning ikkita nog'orani chalib turgani bilan ish bitarmikan?
MOTIVATsIYa
«Temiryo'lchilar»ning avval-boshidan ko'zlagan maqsadi aniq edi. Klub birdaniga hamma narsaga erishishni maqsad qilgandi. Buning uchun eng tezkor yo'lni tanladi va kuchli futbolchilarni o'z tarkibiga jamlab qo'ya qoldi. Ammo hamma gap shundaki, futbolchi pulni qanchalik yaxshi ko'rmasin, faqat shuning o'zi unga etarlicha motivatsiya bo'lib xizmat qilishi juda qiyin. Nari borsa, kam-ko'stini bir sidra bitirib olgach, bundan ham soviy boshlaydi. Boz ustiga, «Lokomotiv»ga yig'ilgan futbolchilar avvalroq «Paxtakor» va «Bunyodkor» singari klublarda o'ynab, to'kislikka erishishga ulgurganini nazarda tutsak, bu «millionerlar»dan yana nima kutish? Ularni kim yoki nima oldinga undashi mumkin? Navbatdagi millionlarmi? Ishonish qiyin.
Futbolning o'z qonunlari bor. Bilasizmi, Evropada faoliyat yurituvchi futbolchilar har qancha badavlat bo'lishmasin, har bir o'yinga o'zgacha ishtiyoq bilan tushadilar. Ular shunisi bilan ham professional deysizmi? To'g'ri. Ammo yana bir jihat ham borki, uni ham unutmaslik kerak. Futbol - muxlislar uchun o'ynaladi. Ishqibozsiz qolgan kun esa - o'ladi. Futbolchini har qanday holatda ham olg'a boshlaydigan yagona kuch - muxlis to'la stadion. Shuning uchun ham Ronaldu va Messi shuncha «Oltin to'p» olishganiga qaramay, har bir o'yinga kuchli ishtiyoq va alohida tayyorgarlik bilan tushaveradilar. Zero, ishqibozlar bo'lmasa, «Oltin to'plar»ning ham qiymati yo'qoladi. Shu sababga ko'ra, Ronaldu va Messi muxlislarni yo'qotib qo'ymaslik uchun borini, kerak bo'lsa jonini beradi. Shu sababli Evropadagi klublar muxlislar bilan ishlashga katta e'tibor qaratadilar. Bizda ham «Bunyodkor» shunday qilishga urinib ko'rgandi, afsuski, ish oxiriga etkazilmadi. «Lokomotiv» esa bunga urinib ko'rgani ham yo'q...
«LOKO»NING XATOSI
«Lokomotiv»ning eng katta xatosi ham shunda bo'lsa kerak. Klub kuchli futbolchilar uchun etarlicha pul sarfladi, ammo menejment masalasida oliy liganing o'rtamiyona klublaridan deyarli farq qilmadi. Eslang, «Bunyodkor» endigina tashkil etilgan vaqtlarda qanday ishlar olib borilardi, qanchadan-qancha tadbirlar amalga oshirilardi. Natijada muxlislarning stadionga tashrifi ortardi. Shuning evaziga futbolchilar qurib-qaqshab yotgan o'rindiqlar emas, balki to'lib-toshgan tribunalar qarshisida to'p surardilar.
«Bunyodkor» futbolchilari nimanidir isbotlash uchun ham o'ynaganlar. «Qaldirg'ochlar» o'sha vaqtda olib borilgan ishlar evaziga obro' orttirdilar. Shu qadar balandga ko'tarilishdiki, so'nggi yillarda kuzatilayotgan pasayish ham klubni mamlakatimizning kuchli jamoalari safidan chiqarib yuborolmadi. Axir past parvoz ham - baribir, parvoz-da...
«Lokomotiv» esa shuncha yillik mehnati bilan erdan ko'tarilishni ham uddalay olmadi.
NAVBATDAGI MASALA
Albatta, vaziyat shundayligicha qolib ketmasligiga ishongimiz keladi. Boisi, klub yana ikki yil muxlissiz qolib ketsa, O'zbekiston chempionati va kubogi tugul, OChLda g'olib chiqsa ham inqirozdan chetda qolishiga ishonish qiyin. Eng avvalo, klubga katta sarmoya kiritgan tashkilotning hafsalasi pir bo'ladi. Axir muxlisi yo'q klub kimga kerak? U «Barselona» bo'lgan taqdirda ham.
Davomi InterFUTBOL gazetasi blogida.
— deya xabar beradi uff.uz nashri.
«Temiryo'lchilar»ning o'tgan besh yil ichida faqatgina bitta kubok bilan cheklanishgani mayliku-ya, mo''jazgina stadionni tomoshabinlar bilan to'ldira olishmayotgani haqiqiy fojia. Mavsum davomida 2-3ta o'yinni hisobga olmasa, boshqasida arena huvilladi. Klub uchun sarflangan pulni natija va muxlislar soniga tenglashtirib, foydalilik koeffitsientini keltirib chiqarsak, kamtarona raqamlarga ko'zimiz tushishi turgan gap. Xo'sh, «Lokomotiv» besh yillik tinimsiz mehnat va qilingan katta xarajatlarga qaramay, nima sababdan haqiqiy grand klub maqomiga erisha olmayapti? Buni tushunib etish uchun boshqa klub tarixiga murojaat etishga to'g'ri keladi.
«BUNYoDKOR» SINGARI
Istaymizmi, yo'qmi, hozirgi «Lokomotiv» haqida gapirganda bir vaqtlari o'zbek futboliga mardonavor qadamlar bilan kirib kelgan «qaldirg'ochlar» yodga tushadi. Bu o'rinda gap hozirgi «Bunyodkor» haqida ketmayapti, zero bugun besh yil oldingi jamoaning faqat soyasi qolgan, xolos. Aqalli bir murabbiyni eplab ishga taklif etolmayotgan klubni qanday qilib «Lokomotiv»ga o'rnak sifatida ko'rsata olardik? O'tgan hafta «Feyenoord»dan vakillar kelib, «Bunyodkor» stadioni haqida iliq fikrlar bildirishganini aytaylikmi? Axir «Lokomotiv» ham Angliyaning «Flitvud Taun» klubi bilan allaqachon hamkorlikni boshlab yuborgan-ku. «Temiryo'lchilar»ning ikki nafar futbolchisi tumanli o'lkada malaka oshirmoqda. Ko'rib turganingizdek, bu borada ham «Bunyodkor» boshqalarga o'rnak bo'lishi juda qiyin. Shunday ekan, e'tiborimizni «qaldirg'ochlar»ning dastlabki parvozlariga guvoh bo'lgan davrga qaratish bilan cheklanamiz.
«Bunyodkor»ning avvalgi saviyasidan ko'p narsa qolmagan, lekin tan olaylik, ushbu klub Osiyo darajasida hamon juda yaxshi tanish. Shuningdek, «Lokomotiv»dan farqli o'laroq, «Bunyodkor»ning oz sonli bo'lsa-da, o'ta fidoyi fanatlari bor. Ular kezi kelganda hatto klub rahbariyati va murabbiyidan iste'fo talab qilishni ham uddalaydilar.
Bunday darajaga erishish uchun «Bunyodkor» yangi tashkil etilgan vaqtlarda ko'p va xo'p mehnat qilindi. To'g'ri, Rivaldo, Skolari va Ziko kabi yulduzlarning taklif etilishi jamoa shuhratini oshirishda asosiy mezonga aylandi. O'z navbatida, klubda dastlab tashkil etilgan marketing va menejment xizmati sifatini e'tirof etmaslik noinsoflikka teng. Jamoa «Quruvchi» nomida faoliyat yuritgan, Rivaldo-yu Skolaridan asar ham bo'lmagan vaqtlardayoq klub puxta ishlaydigan marketingi bilan hayron qoldirgandi. OAV va muxlislar bilan munosabat a'lo darajada yo'lga qo'yildi. Xususan, o'sha kezlari futbol klubini televidenie orqali reklama qilish mumkinligiga ilk marotaba guvoh bo'lganmiz. Bunga o'xshash tadbirlar bisyor edi. Natijada klub qisqa vaqt ichida o'zbek futbolida etakchilar qatoriga kirdi va qit'ada ham o'z so'zini ayta boshladi.
O'z navbatida, muxlislar bilan ishlash masalalariga ham mutlaqo yangicha tarzda yondashildi, kuchli fan-klub tuzildi. Shu tariqa «Bunyodkor»dagi o'zgarishlar nafaqat klub, balki butun o'zbek futbolini yangicha yo'nalishda ish yuritishga undadi. O'shanda butun O'zbekiston bo'ylab muxlislar klubi tashkil etila boshlangan va «Paxtakor»ning avvaldan mavjud bo'lgan, ammo etarlicha raqobat yo'qligi vajidan yarim mudroq holga kelib qolgan fan-klubi ham uyg'ongandi. Endi nafaqat jamoalar, balki ularning muxlislari o'rtasidagi «to'qnashuvlar» ham futbolning bir qismiga aylandi. O'z navbatida, yuzaga kelgan bu kabi intriga chempionatimizga o'zgacha mazmun olib kirgan edi. To'g'ri-da, muxlissiz futbolda joziba bo'larmidi?
«LOKOMOTIV»
Hozir u kunlar tarixga aylangan. Bir jamoaning kuchsizlanishi oqibatida chempionatdagi raqobatga ham putur etdi, stadionlar esa huvillab qoldi. «Lokomotiv» yangicha rivojlanish yo'liga o'tgani haqida xabarlar paydo bo'lgach, mana shu intriga qayta jonlanishini kutgandik. Ammo unday bo'lmadi. Xo'sh, buning sabablari nimada?
Aslida, «Lokomotiv»ni avvalgi «Bunyodkor»ning ojizroq nusxasi, deyish mumkin. Ammo hamma gap shundaki, «temiryo'lchilar» rivojlanish yo'lida asosan «qaldirg'ochlar»da uchragan salbiy jihatlarni o'zlashtirishga qaror qilgan ko'rinishadi. Ya'ni, «Lokomotiv» ham o'sha «Quruvchi» singari katta mablag' evaziga yurtimizdagi kuchli futbolchilarni o'z tarkibiga jamlab oldi, ammo boshqa masalada yangilik qilishni istamadi yoki uddalay olmadi. Eng avvalo, shuni ta'kidlash lozim, klubda muxlislar borasida amalga oshirilgan ishlar oliy liganing o'rtamiyona yoki autsayder klublarinikidan deyarli farqlanmaydi. Fan-klub bormi, bor. Uning asosan yosh bolakaylardan tashkil topgani, o'yinlar o'tkazilayotgan pallalarda stadionning bir burchagida yo'q bo'lib ketayotgani ikkinchi darajali masala. Asosiysi, fan-klub nomiga bo'lsada mavjud. Aftidan, «Lokomotiv»ni shundan boshqasi tashvishga solmaydigan ko'rinadi.
Ammo to'rt muxlisning ikkita nog'orani chalib turgani bilan ish bitarmikan?
MOTIVATsIYa
«Temiryo'lchilar»ning avval-boshidan ko'zlagan maqsadi aniq edi. Klub birdaniga hamma narsaga erishishni maqsad qilgandi. Buning uchun eng tezkor yo'lni tanladi va kuchli futbolchilarni o'z tarkibiga jamlab qo'ya qoldi. Ammo hamma gap shundaki, futbolchi pulni qanchalik yaxshi ko'rmasin, faqat shuning o'zi unga etarlicha motivatsiya bo'lib xizmat qilishi juda qiyin. Nari borsa, kam-ko'stini bir sidra bitirib olgach, bundan ham soviy boshlaydi. Boz ustiga, «Lokomotiv»ga yig'ilgan futbolchilar avvalroq «Paxtakor» va «Bunyodkor» singari klublarda o'ynab, to'kislikka erishishga ulgurganini nazarda tutsak, bu «millionerlar»dan yana nima kutish? Ularni kim yoki nima oldinga undashi mumkin? Navbatdagi millionlarmi? Ishonish qiyin.
Futbolning o'z qonunlari bor. Bilasizmi, Evropada faoliyat yurituvchi futbolchilar har qancha badavlat bo'lishmasin, har bir o'yinga o'zgacha ishtiyoq bilan tushadilar. Ular shunisi bilan ham professional deysizmi? To'g'ri. Ammo yana bir jihat ham borki, uni ham unutmaslik kerak. Futbol - muxlislar uchun o'ynaladi. Ishqibozsiz qolgan kun esa - o'ladi. Futbolchini har qanday holatda ham olg'a boshlaydigan yagona kuch - muxlis to'la stadion. Shuning uchun ham Ronaldu va Messi shuncha «Oltin to'p» olishganiga qaramay, har bir o'yinga kuchli ishtiyoq va alohida tayyorgarlik bilan tushaveradilar. Zero, ishqibozlar bo'lmasa, «Oltin to'plar»ning ham qiymati yo'qoladi. Shu sababga ko'ra, Ronaldu va Messi muxlislarni yo'qotib qo'ymaslik uchun borini, kerak bo'lsa jonini beradi. Shu sababli Evropadagi klublar muxlislar bilan ishlashga katta e'tibor qaratadilar. Bizda ham «Bunyodkor» shunday qilishga urinib ko'rgandi, afsuski, ish oxiriga etkazilmadi. «Lokomotiv» esa bunga urinib ko'rgani ham yo'q...
«LOKO»NING XATOSI
«Lokomotiv»ning eng katta xatosi ham shunda bo'lsa kerak. Klub kuchli futbolchilar uchun etarlicha pul sarfladi, ammo menejment masalasida oliy liganing o'rtamiyona klublaridan deyarli farq qilmadi. Eslang, «Bunyodkor» endigina tashkil etilgan vaqtlarda qanday ishlar olib borilardi, qanchadan-qancha tadbirlar amalga oshirilardi. Natijada muxlislarning stadionga tashrifi ortardi. Shuning evaziga futbolchilar qurib-qaqshab yotgan o'rindiqlar emas, balki to'lib-toshgan tribunalar qarshisida to'p surardilar.
«Bunyodkor» futbolchilari nimanidir isbotlash uchun ham o'ynaganlar. «Qaldirg'ochlar» o'sha vaqtda olib borilgan ishlar evaziga obro' orttirdilar. Shu qadar balandga ko'tarilishdiki, so'nggi yillarda kuzatilayotgan pasayish ham klubni mamlakatimizning kuchli jamoalari safidan chiqarib yuborolmadi. Axir past parvoz ham - baribir, parvoz-da...
«Lokomotiv» esa shuncha yillik mehnati bilan erdan ko'tarilishni ham uddalay olmadi.
NAVBATDAGI MASALA
Albatta, vaziyat shundayligicha qolib ketmasligiga ishongimiz keladi. Boisi, klub yana ikki yil muxlissiz qolib ketsa, O'zbekiston chempionati va kubogi tugul, OChLda g'olib chiqsa ham inqirozdan chetda qolishiga ishonish qiyin. Eng avvalo, klubga katta sarmoya kiritgan tashkilotning hafsalasi pir bo'ladi. Axir muxlisi yo'q klub kimga kerak? U «Barselona» bo'lgan taqdirda ham.
Davomi InterFUTBOL gazetasi blogida.
— deya xabar beradi uff.uz nashri.
Bosh sahifaga
495