Bugun O'zbekiston milliy terma jamoasi va Rossiyaning “Krasnodar” klubi yarim himoyachisi Odil Ahmedov 28 yoshni qarshi oldi. Biz shu munosabat bilan futbolchining faoliyatiga nazar solib o'tamiz.
1. Tug'ilgan vaqti, joyi
Odil Ahmedov 1987 yilning 25 noyabr sanasida Namangan viloyatida tavallud topgan.
2. 13 yoshida Toshkentga kelgan
Yoshligidan “Navbahor” jamoasi muxlisi bo'lgan Odil kunlarning birida poytaxtdagi Titov nomidagi ROZSKda 1987 yilda tavallud topgan futbolchilar o'rtasida tanlov e'lon qilinganini eshitib, ota-onasi roziligini olgan holda, 13 yoshida o'zi uchun mutlaqo begona bo'lgan shaharga ko'chib o'tdi va iqtidori evaziga ROZSKga qabul qilindi.
3. “Lokomotiv”dagi faoliyat
Ahmedov 17 yoshidayoq birinchi professional shartnomasini imzoladi. U Toshkentning “Lokomotiv” o'rinbosarlari jamoasida harakat qiladi. O'shanda “temiryo'lchilar” murabbiylar shtabida ish boshlagan murabbiy Odilning imkoniyatlarini past baholab, uni jamoada olib qolishni istamaydi.
4. Samvel Babayan bilan uchrashuv!
“Lokomotiv”da ishlari yurishmagan Odilni uchrashuvlarning birida Samvel Babayan “Paxtakor” sinovidan o'tishga taklif qildi. Ahmedov “sherlar” mashg'ulotlarida ishtirok etib, murabbiylarda iliq taasurot qoldirdi. Natijada klub rahbariyati unga 5 yilga mo'ljallangan yangi shartnoma taklif qildi.
5. Oliy ligadagi debyut!
Ahmedov Oliy ligadagi debyut uchrashuvini 2005-yilning 28-may sanasida rossiyalik mashhur mutaxassis Valeriy Nepomnyashiy qo'l ostida Zarafshonning “Qizilqum” jamoasiga qarshi o'yinda o'tkazdi. Ana shu bellashuvning 84-daqiqasida Odil jarohatlangan Eldor Magdeevning o'rniga maydonga tushdi.
Davomi Furkat.Uz blogida.
— deya xabar beradi uff.uz nashri.