Madridning "Real" klubi "Bavariya" yarim himoyachisi Xabi Alonsoni tarkibga qaytarmoqchi.
34 yoshli futbolchining myunxenliklar bilan shartnomasi mavsum oxirida yakuniga etadi. Yangi shartnoma borasida esa muammolar yuzaga kelgan. Bunga sabab sifatida Xabi Alonso yangi uch yillik shartnoma imzolashni istayotgani ko'rsatilgan. Biroq "Bavariya" rahbariyati faqat bir yillik shartnoma taklif qilishni ko'zlamoqda.
Shu tariqa Xabi Alonso yozda "Bavariya"dan ketishi kutilmoqda. U bilan "Liverpul" ham qiziqish bildirgan va tarkibga jalb etishga jiddiy kirishgan. Mersisaydliklar 2016 yilning yozida Alonson bilan shartnoma imzolashni asosiy transfer maqsadi sifatida ko'rmoqdalar.
Eslatib o'tamiz, yarim himoyachi 2004 yildan to 2009 yilga qadar "Liverpul" sharafini himoya qilgan va Chempionlar ligasida bir marta g'olib chiqqan edi. Ammo yarim himoyachi "Real"ga qaytishi ham mumkin. U bilan shaxsan Rafael Benitesning o'zi qiziqish bildirmoqda.
— deya xabar beradi uff.uz nashri.