Kecha Chempionlar ligasining 6-turi doirasida Madridning “Real” jamoasi o'z maydonida “Malmyo”ni qabul qilib yirik hisobdagi g'alabani qo'lga kiritdi. Biz uchrashuvga oid qiziqarli faktlarni e'tiboringizga havola etamiz.
1. “Real” va “Malmyo” Chempionlar ligasida ikkinchi marta raqib bo'lishdi. “Qirollik klubi” har ikkala o'yinda ham g'alaba qozongan. To'plar nisbati 10:0
2. “Real” Chempionlar ligasida eng yirik g'alaba erishish bo'yicha “Liverpul”ning rekordini takrorladi. Ingliz klubi 2007-yili “Beshiktosh”ni 8:0 hisobida taslim etgan.
3. Benites Chempionlar ligasida ikki jamoa bilan 8:0 hisobida g'alaba qozongan yagona murabbiyga aylandi. Rafadan boshqa hech bir murabbiy ChLda 8:0 hisobida yutmagan.
4. Alvaro Arbeloa esa Chempionlar ligasida ikki marta 8:0 hisobida g'olib bo'lgan yagona futbolchiga aylandi.
5. Krishtianu Ronaldu Chempionlar ligasida birinchi bor “poker” qayd etdi
6. Karim Benzema esa Chempionlar ligasidagi ikkinchi “xet-trik”ini nishonladi.
7. Benzema Chempionlar ligasida ikki marta “ideal” xet-trik” qayd etgan yagona futbolchi bo'ldi. U o'ng va chap oyoq, hamda bosh bilan gol urib “ideal” “xet-trik”ka erishdi.
8. Ronaldu Chempionlar ligasi guruh bosqichida 11 ta gol urib, yangi rekord o'rnatdi.
9. Ronaldu ushbu mavsumda ikkinchi marta 3 ta va undan ortiq gol kiritdi.
10. Krishtianu Chempionlar ligasida to'rtinchi marta 3 ta va undan ortiq gol kiritishga muvaffaq bo'ldi.
Davomi Furqat Yusupov blogida.
— deya xabar beradi uff.uz nashri.