Moskvaning "Dinamo" klubi Angliyaning "Arsenal", "Chelsi", "Kardiff Siti" va "Reynjers" jamoalari vakillarini Rossiya chempionati doirasida "Dinamo" va "Lokomotiv" o'rtasida kechgan uchrashuvni tomosha qilish uchun taklif etdi.
"Dinamo" klubi 70 yil muqaddam Angliya maydonlarida o'tkazgan muvaffaqiyatli o'tkazgan turnesi munosabati bilan tashkil qilingan tadbirda ingliz klublari vakillari mehmon bo'lganlar. Shampionat.com nashri tomonidan xabar qilinishicha, "Arsenal" ijrochi direktori Ken Frayer, klubning afsonaviy futbolchisi Liam Breydi va "Chelsi" elchisi Tur Andre Flolar "Dinamo" va "Lokomotiv" o'rtasida kechgan uchrashuvni tomosha qilishgan va "temiryo'lchilar" himoyachisi Vitaliy Denisovning o'yiniga alohida e'tibor qaratishgan.
"Juda harakatchan yigit, qanotda ancha sifatli ishlamoqda! Bunday futbolchi Angliya premer ligasida ham o'ynab keta olgan bo'lar edi", - deya Denisovning o'yiniga baho berishgan ingliz mutaxassislari.
Eslatib o'tamiz, "Dinamo" - "Lokomotiv" o'yini 2:2 hisobida yakunlangan va unda Vitaliy Denisov to'liq ishtirok etgan edi. O'zbekiston terma jamoasi himoyachisi ushbu mavsumda "Lokomotiv" tarkibida Rossiya chempionatining barcha 18 uchrashuvida ishtirok etgan.
— deya xabar beradi uff.uz nashri.