Madridning «Real» klubi sobiq futbolchisi Iker Kasilyas sobiq ustozi Mourinyu bilan o'zaro munosabatlari haqidagi savollardan charchaganini aytib o'tdi.
«Mourinyu bilan munosabatlarim haqidagi gap-so'zlar hiqildog'imga keldi. Tushunaman, odamlar bunga telbalarcha bog'lanib qolgan, biroq bu savolga boshqa qaytish kerak emas.
Mourinyuning o'z sport faoliyati bor, mening ham. Men janob Mourinyu bilan kurashmayapman, u ham men bilan murosasizlikka borishni istamaydi», — dedi Kasilyas.
Aytish kerakki, «Real»dagi faoliyati davomida Mourinyu ko'plab futbolchilar bilan kelishmovchilikka borgan edi. Jumladan, Kasilyas qo'lidan olgan jarohatidan so'ng safga qaytgach, zaxiraga mixlangan edi. Karlo Anchelotti davrida ham Kasilyas faqatgina Chempionlar ligasi va Ispaniya kubogi o'yinlarida maydonga tushgan.
— deya xabar beradi uff.uz nashri.