Toshkentning “Bunyodkor” jamoasi terma jamoamiz ishtirokidagi o'yin tufayli yuzaga kelgan tanaffus paytida “Buxoro” jamoasi bilan nazorat uchrashuvida kuch sinashdi. “Bunyodkor” futbol maktabi maydonida o'tgan bahsda kuchlar teng keldi – 1:1. Har ikkala gol ham uchrashuvning birinchi bo'limida kiritildi. Dastavval, Anvar G'ofurov tomonidan oshirilgan to'pni Rustamjon Ashurmatov boshi bilan buxoroliklar darvozasiga aniq yo'llab, hisobni ochishga erishdi. Lekin oradan ko'p o'tmay Suhrob Ne'matov penaltidan o'rtadagi muvozanatni tikladi – 1:1. Uchrashuvning qolgan daqiqalarida jamoalar tarkiblarida bir qancha futbolchilar maydonga tushishgan bo'lsa-da, hech kimga hisobni boshqa o'zgartirish nasib etmadi. Eslatib o'tamiz, “Bunyodkor” 25-tur uchrashuvini 12 oktyabr kuni Samarqandda “Dinamo” klubiga qarshi o'tkazadi.
— deya xabar beradi uff.uz nashri.