Yakuniga etgan 2016 yilgi Osiyo chempionlari ligasiga qur'a tashlash marosimidan so'ng "Nasaf" ustozi Ro'ziqul BERDIEV guruhdagi raqiblar haqida o'z fikrlari bilan o'rtoqlashdi. Eslatib o'tamiz, qit'amizning eng nufuzli musobaqasida jamoa “D” guruhida Saudiya Arabistonining “Al Ahli”, Birlashgan Arab Amirliklarining “Al Ayn” va saralash bahslari g'olibi (“Naft” (Eron) / “Al Jayish” (Qatar) bilan kuch sinashadi.
-Guruhimizda kuchli jamoalar jamlangan. Umuman bu turnirda kuchsiz jamoa yo'q, -deya o'z fikrlarini bildirdi Ro'ziqul Sa'dullaevich.
– Guruhda bizga raqiblik qilayotgan barcha jamoalar o'z chempionatlarida yuqori pog'onalarda borishmoqda. Albatta, biz ham bu galgi har doimgidanda jiddiy tayyorgarlik ko'ramiz. Qolaversa, o'tgan yili ham OChL guruh bosqichida qatnashib, tajribamizni oshirdik. Birinchi navbatda tarkibimizni kuchaytirishimiz lozim. Turnir boshlanguniga qadar raqiblarimizni yanada chuqurroq o'rganamiz. Nasib etsa bu galgi bahslarga munosib qatnashishga harakat qilamiz. Omad biz tomonda bo'lsa, natijalarimizni yaxshilashga urinamiz.
— deya xabar beradi uff.uz nashri.