Turinning “Yuventus” kubi bosh murabbiyi Massimiliano Allegri “Fiorentina”ga (3:1) qarshi kechgan Italiya chempionatining 16-tur uchrashuvidan so'ng o'z fikrlarini bildirdi. “Biz o'z o'yinimizni ancha yaxshilab oldik va Rojdestvoga qadar yana ikkita o'yin o'tkazamiz – Kubok hamda A Seriyada. Biz etakchilardan jiddiy ortda qolayotgandik va tanaffusga qadar ularga yanada yaqinlashib olish zarur. Ayni damda jamoa yaxshi o'ynayapti, ammo, hali to'pni nazorat qilish hamda to'pni oshirishda xatolarni kamaytirish ustida ishlashimiz kerak. Oktyabrda jamoa qaysi o'rinda bo'lganini eslasak, A Seriyada ketma-ket oltita g'alabaga erishib, birinchi uchlikka yaqinlashib olish oson bo'lmadi. “Inter” hamon favorit, lekin oldinda hali o'yinlar ko'p va maqsadimizga asta-sekinlik bilan yaqinlashib boramiz“, – dedi Allegri.
— deya xabar beradi uff.uz nashri.