"Bayer" hujumchisi Xaver Ernandes "Manchester Yunayted"dan ketishiga bosh murabbiy Lui van Gal sabab bo'lganini aytib o'tdi.
"Penaltidan gol ura olmaganimdan so'ng van Gal yordamchisi Giggz tomon jahl bilan qaraganini sezgan edim. Shu bilan birga jamoadagi o'rnimni yo'qotganimni ham sezib turgandim.
O'yindan so'ng van Gal menga: "Agar penaltidan gol ura olmasang, o'yindan ham ura olishingga shubha qilaman", dedi. Keyin esa o'sha kunning o'zida meni ofisiga taklif qildi va bir nechta klublardan takliflar borligini aytdi. Men ulardan birini tanlashim shart edi.
Uyga qaytgach yig'lab yubordim. Bu "MYu"dagi faoliyatim davomida uchinchi marta yig'lashim edi. Manchesterni yaxshi ko'rardim, ammo klubda qolish uchun hech narsa qila olmasdim. Van Gal menga ishonmas edi. Uning aytishicha, men uning o'yin falsafasiga mos kelmas ekanman.
Menda Angliyaning uch klubidan tashqari "Bayer"dan taklif bor edi. "MYu"ga qarshi o'ynamaslik uchun nemis klubini tanladim. Hamon eski jamoadoshlarim bilan muloqot qilib turaman, ayniqsa Fergyuson davrida birga o'ynaganlar bilan ko'proq gaplashaman. De Xea esa eng yaqin do'stim, biz deyarli har kuni qo'ng'iroqlashib turamiz. Shuningdek Karrik va Yang bilan ham munosabatlarimiz yaxshi.
Shuni aytishim mumkinki, tajribali futbolchilar "MYu"da o'zini baxtli his qilmayaptilar. Albatta men "Manchester"ga bajonidil qaytgan bo'lardim, ammo Germaniyada o'zimni baxtli his qilmoqdaman", - deydi Chicharito.
— deya xabar beradi uff.uz nashri.