Bir paytlar “Barselona” safida yorqin o'yin namoyish etgan mashhur hujumchi Ronaldino hozircha futbolchilik faoliyatini yakunlamoqchi emasligini oshkor qildi. Eslatib o'tamiz, o'tgan haftada 35 yoshli braziliyalik o'yinchi “Fluminense” bilan shartnomasini bekor qildi. “Yana bir-ikki yil futbol o'ynamoqchiman. Har kuni turli klublardan takliflar olyapman. Men hali jismonan anchagina baquvvatman va hali ham mening xizmatlarimga qiziqish bildirayotganlar ko'p. To'g'ri mashg'ulotlar evaziga hali bir-ikki yuqori saviyada to'p sura olaman. Bu esa oldinga qarab intilishga turtki bo'lmoqda”, — dedi Ronaldino.
— deya xabar beradi uff.uz nashri.