Moskvaning «Lokomotiv» klubi himoyachi Vitaliy Denisovni o'z safiga qo'shib olishi uchun sarflagan mablag' ma'lum bo'ldi.
O'zbekiston terma jamoasi himoyachisi "temiryo'lchilar" safiga 2013 yilning 13 yanvarida o'tgan. Garchi Denisov erkin agent maqomida "Lokomotiv" tarkibini to'ldirgan bo'lsada, futbolchining agentlariga 1,6 million evro to'lashga to'g'ri kelgan.
2012 yilning 23 noyabrida imzolangan shartnomaga ko'ra "Lokomotiv" agentlar Aleksandr Lopirev va Aleksey Andrianovlarning har biriga 797,9 ming evro to'lagan.
"Lokomotiv" tomonidan turli futbolchilarning agentlariga to'langan pullar tufayli klub moliyaviy feyr-pley qoidalariga amal qilmagani ma'lum bo'ldi va "temiryo'lchilar" UEFA tomonidan 5 million evro jarimaga tortilgan.
— deya xabar beradi uff.uz nashri.