2015 yilning 18-19 dekabr kunlari Italiyaning Richchone shahrida suzish bo'yicha Italiya ochiq chempionati o'tkaziladi.
Mazkur musobaqada 2016 yili Rio-de-Janeyro shahri (Braziliya)da o'tkaziladigan XXXI yozgi Olimpiada o'yinlarining yo'llanmalari ham o'ynaladi. Dunyoning ko'plab tajribali sportchilari ishtirokida o'tadigan mazkur nufuzli musobaqada Vatanimiz sharafini Vladislav Mustafin va Nurillo G'ulomqodirov himoya qiladilar.
Mahoratli sportchimiz Vladislav Mustafin 50 hamda 100 metr masofalarga brass usulida suzish bo'yicha o'tkaziladigan musobaqada Olimpiada o'yinlarining yo'llanmasi uchun bahs yuritsa, Nurullo G'ulomqodirov 100 va 200 metr masofalarga batterflyay hamda 400 metr masofaga erkin usulda suzish bo'yicha bahslarda ishtirok etadi.
Hamyurtlarimizga bo'lajak musobaqada ham omad va zafarlar tilab qolamiz.
Eslatib o'tamiz, ayni paytga kelib hamyurtlarimizdan Ra'noxon Amanova suzish bo'yicha “Rio-2016” o'yinlarining yo'llanmasi uchun belgilangan me'yorni bajargan. Shavkat Jalilov O'zbekiston Milliy Olimpiya qo'mitasi
matbuot xizmati
— deya xabar beradi uff.uz nashri.