Argentina terma jamoasi va “Barselona” klubi hujumchisi Lionel Messining rekordlari haqidagi maqolanining ikkinchi qismini e'tiboringizga xavola etamiz.
11. Bir mavsumda “ Barselona ” tarkibidada eng ko'p gol urgan futbolchi
Messi 2011/12 yilgi mavsumda chempionatda 50, Chempionlar ligasida 14, kubokda 3 va boshqa turnirlarda 6 gol urdi. Butun mavsum mobaynida kiritgan gollari soni esa 73 tani tashkil etdi. Shu tariqa u “ko'k anor ranglilar” safida bir mavsumda eng ko'p gol rugan futbolchiga aylandi.
12. “Barselona”ning klublar o'rtasidagi jahon chempionatidagi eng yaxshi to'purari
Leo Klublar o'rtasidagi jahon chempionatlarida raqiblar darvozalariga 4 gol urib, klubning mazkur musobaqadagi eng yaxshi to'purari bo'lib turibdi.
13. “Barselona” safida bir mavsumda eng ko'p “xet-trik”ka erishgan futbolchi
Argentinalik daho 2011/12-yilgi mavsumda “Barselona” libosida maydonga tushgan barcha musobaqalarda 10 marta “xet-trik” qayd etishga muvaffaq bo'lgan. Shu tariqa u Kataloniyaliklar uchun bir mavsumda eng ko'p “xet-trik”ka erishgan futbolchi sifatida rekord o'rnatdi.
14. Ispaniya chempionatida bir mavsumda eng ko'p gol urgan futbolchi
Messi 2011/12-yilgi mavsumda Ispaniya chempionatida o'z hisobiga 50 ta gol yozdirib qo'ydi va bir mavsum avval Ronaldu tomonidan o'rnatilgan rekordni parchalab tashladi.
15. Ispaniya chempionatida bir kalendar yilida eng ko'p gol urgan futbolchi
Leo 2012-yili Ispaniya chempionatida jami 59 ta gol urgan va bu borada ham yaqqol rekordchi hisoblanadi.
16. Ispaniya chempionatida bir mavsumda uydagi o'yinlarda eng ko'p gol urgan futbolchi
Messi 2011/12-yilgi mavsumda la Ligadagi 50 golining 35 tasini “Kamp Nou”da nishonlagan. Shu tariqa hujumchi la Ligada bir mavsumda uydagi o'yinlarda eng ko'p gol urgan futbolchiga aylandi.
17. Ispaniya chempionatida bir mavsumda safarda eng ko'p gol urgan futbolchi
Lionel keyingi mavsumda, aniqrog'i 2012/13-yili Premeroda bir mavsumda safarda eng ko'p gol urgan futbolchiga atalgan rekordni ham o'ziniki qildi. Messi o'sha mavsum 46 ta golining 24 tasini mehmondagi o'yinlarda kiritgan edi.
18. Ispaniya chempionatida birinchi davrada eng ko'p gol urgan futbolchi
2012/13-yilgi mavsum Messi uchun rekordlar davri bo'lgan edi. O'sha mavsumning birinchi davrasida “Barsa” hujumchisi raqiblar darvozalarini 28 marta ishg'ol qilib, La Ligada birinchi davrada eng ko'p gol urgan futbolchiga tegishli bo'lgan rekordni zabt etdi.
19. Ispaniya chempionatida ikkinchi davrada eng ko'p gol urgan futbolchi
2011/12-yilgi mavsumning birinchi davrasida 22 ta gol urib, to'purarlar poygasida Ronaldudan orqada qolayotgan Messi, ikkinchi davrada 28 ta gol kiritib, yakunda g'oliblikni qo'lga kiritdi. Shu tariqa Lionel la Ligada ikkinchi davrada eng ko'p gol urgan futbolchi sifatida tarix sahifalaridan o'rin oldi.
Davomi Furqat Yusupov blogida.
— deya xabar beradi uff.uz nashri.