"Chelsi" muxlisasi "Sanderlend"ga qarshi kechgan uchrashuv vaqtida (3:1) "Azar, Kosta va Sesk - 3 kalamush", deb yozilgan matoni ko'tarib chiqdi.
Shu bilan birga jamoa tarkibi o'qib eshittirilganda Fabregas va Kostaga navbat kelganida muxlislar norozilik bildirib baqirganlar. Eden Azar esa jarohati tufayli bu o'yinda maydonga tushmagan.
Muxlislarning noroziligiga sabab sifatida bosh murabbiy Joze Mourino iste'foga chiqarilgani ko'rsatilmoqda. Ko'plab muxlislar uchrashuvga Mourinoni qo'llovchi so'zlarni yozib kelganlar. Uchrashuv boshida esa ular "Turing va "O'zgacha"ga salom bering", deya "Chelsi"dan iste'foga chiqarilgan murabbiyga atalgan qo'shiq kuylaganlar.

— deya xabar beradi uff.uz nashri.