JCh-2018 musobaqasining 2-saralashidan o'rin olgan Bahrayn hamda O'zbekiston milliy terma jamoalari o'rtasidagi uchrashuvda mamlakatimiz bosh jamoasining maydonga tushadigan tarkibi ma'lum bo'ldi. Bu haqida O'FF rasmiy tvitteri xabar tarqatdi. Nasib qilsa, tez orada o'yin ham boshlanadi. Biz ushbu sahifa orqali uchrashuvning onlayn translyatsiya qilib boramiz. Tarkib bilan tanishing: Bahrayn:
Muhammad Abbos, Said Shubbar, Said Ahmad, Abdulvahob, Abdulla Alhaza, Abdulla Hilol, Abdulla Umar, Said Adnan, Husan Bobo, Sami Alhusani, Arshid al-Xuti O'zbekiston:
Aleksandr Lobanov - Stanislav Andreev, Egor Krimets, Anzur Ismoilov, Islom To'xtaxo'jev - Odil Ahmedov, Aziz Haydarov, Sardor Rashidov, Server Jeparov - Markat Bikmaev, Igor Sergeev. ***** 0'. O'yin boshlanishiga oz fursat qoldi. 0' Jonajon "Sport" telekanalimiz o'z translyatsiyasini boshlamoqda. Ekran va monitor qarshisiga yaqinroq o'tirib oling!  0' Futbolchilar maydonga chiqib kelishmoqda.   0' Diqqat! Davlatimiz madhiyasi yangramoqda.   0' Endi Bahrayn madhiyasi chalinmoqda. 1' Yaponiyalik hakamning hushtagi chalindi va uchrashuvga start berildi. Uni O'zbekiston boshlab beradigan bo'ldi. Olg'a yigitlar! Olg'a O'zbekiston!  1' Vakillarimiz ekranimizning o'ng tomonida birinchi bo'limni boshladi   1' Birinchi hujum to'p uzatilishining raqib darvozaboniga borib tushishi bilan yakunlandi.  2' O'yin asosan, maydon markazida kechmoqda.  3' Bahrayn hujumga o'tayotgan paytda himoyachimizga nibatan qo'pol harakat qildi va jarima zarbasi.  4' Xavfli vaziyat! Raqib hujumchisi jarima maydonimizga kirib keldi va Anzur uni to'xtatib qoldi. To'pni Lobanov egallab oldi. 6' Hujumlarimiz asosan, uzoq masofalarga to'p uzatish orqali amalga oshirilmoqda. Raqib hioyasilari hujumchilarimizga imkoniyat berishmayapti. 8' Maydon markazi yaqinida Bikmaevga nisbatan qo'pollik ishlatildi.   9' Jeparov jarima zarbasidan so'ng to'pni raqib jarima maydoniga uzatdi. Hujum besamar yakunlandi.   10' Yana bir hujum! Server to'pni Rashidovga uzatdi, biroq Sardorni raqiblar to'psiz qoldirishdi.  11' Bikmaev markazda raqibga nisbatan ancha qo'pol harakat qildi. 12' Yana bir yaxshi imkoniyat bo'lgan edi. Chap qanotga ko'chgan hujumni Andreev rasvo qildi. Albatta, o'zining noaniq uzatmasi bilan.  14' Odil Ahmedovning zarbasi! U Sergeev uzatgan to'pni chap oyoqda darvozaga yo'lladi. Darvozabon uni egallab oldi. 16' Sardor Rashidov ajoyib harakatlar bilan raqibdan o'tib ketishga harakat qildi. Biroq raqiblar uni "zararsizlantirishdi".  18' Kichik ustunlik vakillarimiz tomonida.   20'O'ng qanotdan Islom To'xtaxo'jaev faollik ko'rsatdi. Burchak to'pi.  20' Burchak zarbasi samara bergani yo'q.  22' Rashidov uzoq masofadan zarba yo'lladi. Noaniq.  24' Maydon markazida bahranlik futbolchi Odilga nisbatan qo'pollik ishlatdi. Hakam buni o'z vaqtida payqadi.  25' Bahrayn xavfli qarshi hujumga o'tdi. Krimets uni to'xtatib qoldi. Arab futbolchisi esa maydonga yotib oldi   27' Raqiblar yana hujumga o'tishdi. Himoyachilarimiz esa bexata harakatlari evaziga uni bartaraf etishdi. Ko'z tegmasin!  29' Vo! Yaxshi imkoniyat! Jarima maydoni yaqinida jarima zarbasi belgilandi.  31' Rashidovning zarbasi jonli devorga tegib qaytdi. Hujum qayta tashkil etildi va to'p Ahmedovga kelib tushdi. Uning zarbasiga esa ozgina aniqlik etishmadi. Sal qolishiga sal qoldiya!  33' Maydon markazida futbolchilarimizga qo'pollik ishlatishdi.  34' Follar bo'yicha statistika e'lon qilindi. 8:2!  34' Raqib jarima maydonida tartibsizlikdan foydalanishlari mumkin edi, biroq hujum besamar yakunlandi.  35' Uhhh! Qanday vaziyat! Odil katta tezlikda yugurib kelib, to'pni Sardorga uzatdi. Rashidov yana Odilga, Odil esa Serverga etkazdi. Jeparovning zarbasini darvozabon qaytardi, Bikmaevning zarbasi esa noaniq ko'rinish oldi.  36' Andreeevning xatosi qimmatga tushishi mumkin edi! Yaxshiyam uning xatosini Lobanov to'g'riladi.  39' Darvozamiz oldida yana bir xavfli vaziyat! Islom qanotdan kelayotgan futbolchini o'tkazib yubordi, raqib futbolchisining uzatmasi esa noaniq bo'ldi baxtimizga. Ehtiyot bo'lish kerak!  41' Futbolchilarimiz burchak to'pi ishlashdi.  42' Burchak zarbasi besamar bo'ldi. Kombinatsion o'yin tashkil qilmoqchi bo'lgan futbolchilarimizning harakati Islomning noaniq uzatmasidan so'ng poyoniga etdi.  45' Birinchi bo'limga 3 daqiqa qo'shib berildi.  45' Marat Bikmaevning uzatmasi noaniq.  45+2 Himoyachilarimiz jarima maydonimizda to'pni qaytarishda uni raqib futbolchilariga sovga qilib yuborishdi. Yaxshiyam noaniq zarba.  45+3 Sardorning zarbasi! U jarima maydoni yaqinida raqib darvozasiga zarba yo'lladi. Zarba kuchli, biroq noaniq chiqdi.  Birinchi bo'lim tugadi.  Futbolchilar maydonga chiqib kelishdi. Ikkinchi bo'lim boshlanmoqda.  46' Ikkinchi bo'limga start berildi. Taym raqiblarning hujumi bilan boshlandi.  47' Marat Bikmaev raqibni qo'pollik bilan to'xtatib qoldi. Lobanov uchun xavfli nuqta 48' Xavf bartaraf etildi.  49' Maydon markazida Jeparovga nisbatan qo'pollik ishlatildi.  50' Jarima zarbasi va undan keyingi vaziyatni yana Andreev ko'kka sovurdi.  52' GOOOOOOOOL!!! GOOOOOOOOOOL!!!!! 52' O'zbekiston terma jamoasi Igor Sergeevning aniq zarbasidan so'ng hisobda oldinga chiqib oldi!  53' Stas nihoyat terma jamoadagi birinchi foydali ishini amalga oshirdi. U to'pni qanotdan uzatdi, Bikmaev to'pni darvozaga yo'llagan edi, biroq to'p Igorga kelib tushdi. Sergeev esa to'pni xotirjam darvozaga yo'lladi!  56' GOOOOOOOOOOOOOOOOOOLLLLLLLLLLLLLLLLL! Odil Ahmedov!  56' Bahrayn darvozasiga ikkinchi gol urildi! Qanotdan Bikmaevning uzatmasidan so'ng to'p Odilning oyog'iga biroz noqulay kelib tushdi. Ana shu noqulay kelib tushgan to'p raqib darvozasiga borib tushdi.  57' Raqib tarkibida o'zgarish bo'ldi. Va ular darhol qarshi hujumga o'tishdi. Offsayd ekan 59' Yana bir hujum! So'nggi soniyada vaziyat qo'ldan chiqarildi.  61' Aziz Haydarovga nisbatan maydon markazi yaqinida qo'polllik ishlatildi va raqib jamoaning sakkizinchi raqamli futbolchisiga sariq kartochka ko'rsatildi.  64' Odil Ahmedov maydon markazida to'pni yo'qotib qo'ydi, yaxshiyamki futbolchilarimiz ko'pchilik bo'lib to'pni olib qo'yishdi.  64' Eh, Sardor, Sardor! U jamoadoshlarining hujumini yo'qqa chiqardi. U raqibni aldab o'tishga harakat qildi, biroq buning uddasidan chiqa olmay, to'pni yo'qotdi. 67' GOOOOOOOOOOOOOOOOOOOOOOOOOOOOOOOOOL! Uchu nol!  67' Sardor Rashidov nihoyat o'z so'zini aytdi. U burchak zarbasidan so'ng uyushtirilgan kombinatsiyani gol bilan yakunladi. Uning uzoq burchakka yo'llagan zarbasi yo'liga na himoyachilar va na darvozabon g'ov bo'la oldi. Hisob yirik ko'rishga keldi! Barakalla!  69' Uchinchi goldan so'ng mehmonlar oldinga o'tishmoqda. Himoyachilarimiz o'z vazifalarini sidqidillik bilan ado etishmoqda.   73' Terma jamoamiz tarkibida ilk o'zgarish. Marat Bikmaev o'z o'rnini Javohir Sohibovga bo'shatib berdi. 74' Raqiblarning yana bir hujumi. O'yindan tashqari holat qayd etildi. Yaxshiyam!  76' Futbolchilar taym aut olishdi. 79' Darvozamiz tomon aniq zarba. Lobanov o'z o'rnida.  80' Juda yaxshi imkoniyat! Sergeevning zarbasi birozgina noaniq!  83' Raqibning navbatdagi hujumi. Lobanov yana o'z o'rnida.  84' Yana bir vaziyat! Sohibovning uzatmasi birozgina noaniq bo'ldi.  84' Terma jamoamiz safida ikkinchi o'zgarish. Jeparov o'rniga Jasur Hasanov maydonga tushdi. Hasanovlarning kattasi. 86' Odil Ahmedovning zarbasi kuchli chiqmadi va uni darvozabon osonlik bilan ushlab oldi.  87' Ahmedov o'z o'rnini Eldor Shomurodovga bo'shatib berdi.    88' Egor Krimets jarima maydonimiz yaqinida qo'pol o'ynadi va sariq kartochka bilan jazolandi. Bahraynning hujumi esa besamar yakunlandi.  90' Uchrashuvga besh daqiqa qo'shib berildi.  91' Yana bir vaziyat! Dastlabki zarbani darvozabon qaytardi. Qaytgan to'pga Sergeev zarba berdi, noaniq.  93' Sergeevning bosh bilan yo'llagan zarbasini darvozabon maydon tashqarisiga chiqarib yubordi.  94'  Vo! Rashidov birin ketin raqiblarini aldab o'tish bilan ovora. 95' GOOOOOOOOOOOOOOOOOOOOOOL!!!!!!!!!!!!!!!! Eldor Shomurodov Hasanovning uzatmasini darvozaga xotirjam yo'lladi.  Uchrashuv yakunlandi! G'alaba muborak! 
— deya xabar beradi uff.uz nashri.