"Barselona" futbolchilari klublar o'rtasidagi jahon chempionatidagi ishtirokni yakunlab, Ispaniya tomon qaytayotganlarida Tokio aeroportida argentinalik muxlislar tomonidan haqoratlandilar.
Pasport nazoratidan o'tish vaqtida "River Pleyt" muxlislari kataloniyalik futbolchilarni haqorat qilganlar va hujumchi Lionel Messi tomon tuflaganlar. Bu haqida Marca nashri xabar tarqatgan.
Xabarda aytilishicha, vaziyatga "Barselona" bosh murabbiyi Luis Enrike va bir qator futbolchilar aralashgach, argentinalik muxlislar haqoratlarni to'xtatishgan. Xususan Xaver Maskerano vatandoshlarini tinchlantirishga uringani aytilmoqda. O'z navbatida "River Pleyt" muxlislari Maskeranoga o'tmishini unutib qo'ygani va qaysi jamoa hisobiga ko'tarilganini yoddan chiqarganini aytib, ta'na qilganlar.
— deya xabar beradi uff.uz nashri.