“Olmaliq”ning Qoraqalpog'istonlik yarim himoyachisi Calamat Quttiboev Oliy liga-2015da 26 uchrashuvda maydonga tushdi.
29 yoshli futbolchi 26 o'yinning 21 tasida 90 daqiqa harakat qilgan bo'lsa, 24 uchrashuvda ilk daqiqalardayoq maydonga tushgan. Qiziqarli jihati Salamat “Buxoro”ga qarshi kechgan har ikkala o'yinda ham ikkinchi taymda maydonga tushgan.
Quttiboev mavsum davomida raqiblar posbonlarini 5 marta ranjitishga muvaffaq bo'ldi. U ilk golini 6-turda safarda “Buxoro” darvozasiga kiritgan. Sala (muxlislar uni ismini qisqartirib shunday atashadi – izoh.) 58 daqiqada zahiradan maydonga tushib 76 daqiqada o'z nomini tabloga yozdirib qo'ygan va jamoasining yirik 4:0 hisobidagi g'alabasiga munosib hissa qo'shgan edi.
U qolgan 4 golini 2-davrada urdi. 18-turda “Andijon”ga qarshi safardagi o'yinda (4:2), 23-turda “Sho'rtan”ga qarshi uydagi uchrashuvda (3:1) bittadan gol urgan bo'lsa, 25-turda Olmaliqda kechgan bahsda “Yavbahor” darvozasini ikki bora ishg'ol qilib jamoasining 2:1 hisobidagi g'alabasini ta'minlagan.
Davomi Furkat.Uz blogida.
— deya xabar beradi uff.uz nashri.