Yangi yil arafasida ommaviy axborot vositalari mutoyibaga yo'g'rilgan materiallar bilan ham o'rtoqlashadilar. Squawka portali hazil tariqasida dunyoning talaffuz etilishi qiyin bo'lgan ism-shariflarga ega futbolchilardan iborat ramziy terma jamoasini e'lon qildi. Tarkibda Aleks Oksleyd-Chemberlen va Juninyu Pernambukanu singari taniqli o'yinchilar bilan bir qatorda, unchalik mashhur bo'lmagan "Karlayl" a'zosi Troy Archibald-Xenvill kabi o'yinchilar mavjud.
Murakkablikni baholash uchun esa Scrabble ("Erudit") stol o'yinida qiyin familiya uchun olingan ochkolardan foydalanildi. Bu musobaqada eng ko'p ochkoni “Manchester Yunayted” futbolchisi Kemeron Bortvik-Jekson(57 ochko) yiqqan bo'lsa, to'liq tarkib vakillari quyidagicha:
Darvozabon:
Lamin Zemmamush («USM Jazoir», “Erudit”da 54 ochko egasi).
Himoyachilar:
Kevin Teofil-Katrin («Sent-Eten», 43), Sokratis Papastatopulos («Borussiya» D, 37), Troy Archibald-Xenvill («Karlayl», 38), Kemeron Bortvik-Jekson («Manchester Yunayted», 57).
Yarim himoyachilar:
Lazaros Xristodulopulos («Sampdoriya», 42), Aleks Oksleyd-Chemberlen («Arsenal», 45), Juninyu Pernambukanu (faoliyatini yakunlagan 37), Diniyar Bilyaletdinov («Rubin», 34).
Hujumchilar:
Yan Vennegor of Xesselink (faoliyatini yakunlagan, 44), Rizo Guchannajod («Charlton», 43). Elmurod ERMATOV
— deya xabar beradi uff.uz nashri.