Evro-2016ning 8 oktyabr kuni bo'lgan uchrashuvlari yakuniga ko'ra, musobaqa final bosqichida ishtirok etadigan yana ikki jamoa nomi ma'lum bo'ldi. Bular — Portugaliya va Shimoliy Irlandiya. Portugaliyaliklar o'z uyida Daniyani mag'lub etdi (1:0), Shimoliy Irlandiya esa Gretsiya ustidan g'alaba qozondi (3:1). Har ikkala jamoa saralashning so'nggi turi arafasida o'z guruhida peshqadamlik qilmoqda. Qayd etish joiz, Shimoliy Irlandiya terma jamoasi ishtirok etgan so'nggi yirik musobaqa 1986 yilgi jahon chempionati bo'lgandi. Bungacha Frantsiya (mezbon), Angliya, Avstriya, Islandiya va Chexiya terma jamoalari ham Evro-2016 yo'llanmalarini qo'lga kiritgan edi.
— deya xabar beradi uff.uz nashri.