Bir hafta oldin “Chelsi”dan ketgan Joze Mourino o'z murabbiylik faoliyatini “Real” yoki “Manchester Yunayted”da davom ettirish mumkin.
Joze Mourinoning  hozirgi holati ikki yo'l o'rtasida turgan pahlavonga o'hshaydi. Uning oldida “Real” va “Manchester Yunayted” tomonlarni ishora qiluvchi  ikkita yo'lko'rsatkich turgani aniq.  U birinchi so'qmoqdan oldin ham yurib ko'rgan va u erda  o'zini nima kutayotganini yaxshi biladi, ikkinchisi esa topishmoqlarga to'la... Ho'sh, portugaliyalik murabbiy qaysi yo'lni tanlaydi? Albatta, har ikki jamoalarda ish boshlash faqat uning ixtiyorida emas, balki “qaymoqranglilar”  muxlislari ishonchini oqlamayotgan Rafa Benites va mankuniyanliklarni g'alabaga boshlay bilmayotgan  Lui van Gall avvalo o'z egallab turgan lavozimlaridan ketishlari kerak.  Har qanday holatda ham ikki variantning Joze uchun “plyus” va “minus” taraflar mavjud.
«Real» tanlovining “plyus” tomon
Mourino “Real”ni 2010-2013 yillardagi uch mavsum davomida boshqargan. U “qirollik klubi” bilan bir bora chempionatni yutib, mamlakat Kubogi va Sperkubokni ham olgandi.  Portugaliyalik bir mavsum “Barselona”ning Primeradagi gegemonligiga chek qo'ygani yodimizda. Madridliklar hozir u davrlarni orzu qilishmoqda, xolos.
Mourinoni “Real” bilan bog'lovchi yana bir omil bor. U ham bo'lsa -“qaymoranglilar” safida chempionlar Ligasi g'olibligini qo'lga kiritishdir.
Joze madridliklar prezidenti  Florentino Peres bilan do'stona munosabatlarini saqlab qolgan. Portugaliyalikni ikkinchi mavsum rekord darajadagi -100 ochko yiqqani Peresni yodida turgani, aniq.  Hatto, futbolchilar yoqtirgan Anchelotti ham avval 87, keyingi mavsumda esa -92 ochko yiqqan edi. Joze esa “Real” bilan ilk mavsumda  92,  uchinchisida — 85 ochko to'plagan.
Agar Mourinoni  madridliklar safiga qaytadigan bo'lsa, Benitesning kundan-kunga tushayotgan obro'si battarroq ko'rinishga keladi.
Primeraga portugaliyalikning oilasi jon-jon deb qaytishga undashi turgan gap. Chunki, uchun  Madrid  yashash ikkinchi tanlov - Manchesterdan ko'ra ma'qulroq.
“Minus” tomoni
Jozeni “Real” bilan qanday hayrlashgani yodimizda. Portugaliyalik  Madriddan karnay-surnay sadolari ostida ketgani yo'q. Mourino jamoaning yarmi va Iker Kasilyas, Serxio Ramos, Pepe va “qaymoqranglilar” asosiy yulduzi Krishtianu Ronaldu bilan kelishmay qolgandi. O'sha kelishmovchililarini yoritib borgan OAV bilan aloqasi juda yomon. Eski holatlarni o'ylaydigan bo'lsak, uning «Santyago Bernabeu»ga qaytishi kerak emasdek.
Mourinni muxlislar bilan ham aloqasi yaxshi bo'lmagan. Bir guruh fanatlar “Real”ning chempionlar Ligasidagi “Borussiya”dan uchragan mag'lubiyatidan so'ng jamoa bazasiga kelib, “O'zgacha”ni haqoratlab ketgani esingizda bo'lsa kerak.
 
«Manchester Yunayted» tanlovining “plyus” tomoni
Agar «MYu»  bilan ishlar yurishib ketsa Mourino birdaniga ikkita quyonni urgan bo'ladi: birinchidan turnir jadvalida “Chelsi”dan o'zib ketadi, ikkinchidan o'z ustozlaridan biri bo'lgan  van Galni ortda qoldiradi
Angliyada u o'zini harqalay erkin his etishi mumkin bo'lib, OAV bilan aloqalari yomon emas. Uning o'yin uslubi va o'ziga ishonishini Angliyada qadrlaydilar.
“Minus” omil
«MYu» muxlislari portugaliyalik mutaxassisni “Chelsi” ishqibozlari singari iliq qabul qilmaydi. U hech qachon Aleks Fergyusson bo'la olmaydi.Chunki, uning o'yin uslubi ser Aleksninikidan katta tafovut qilishi ham bor gap.
«Manchester Yunayted» mutasaddilari Jozeni ayni paytda eng kerakli o'yinchi bo'lib turgan Xuan Mata bilan chiqisha olmasligidan xavotirda.  Mata aynan mana shu murabbiy bilan kelisha olmagani sabab “Chelsi”dan ketgandi.  
Mourino o'z ish haqini teng yarmini olishga rozi bo'laramikan? Mirror nashri bergan ma'lumotga ko'ra   «MYu» unga 8 mln funtov sterling va'da qilmoqda, Joze esa Abramovichdan yiliga 16 mln olar edi.
Qani, ko'ramiz... Elmurod Ermatov, Andijon
— deya xabar beradi uff.uz nashri.