Germaniya terma jamoasi bosh murabbiyi Yoaxim Lyov yarim himoyachi Mario Gyottse Irlandiyaga qarshi kechgan Evro-2016 saralashida jarohat olganini ma'lum qildi. Shu tariqa futbolchi 11 oktyabr kuni bo'lib o'tadigan Gruziyaga qarshi uchrashuvni o'tkazib yuboradigan bo'ldi. “Gyottse Gruziyaga qarshi maydonga tushmasligi aniq. Bastian Shvaynshtaygerga keladigan bo'lsak, bu borada xulosa chiqarishga hali erta. Ammo uning ham maydonga tushish imkoniyatlari juda kam”, - deydi Lyov. Avvalroq, Germaniya terma jamoasi bosh murabbiyi Yoaxim Lyov Irlandiyaga qarshi o'yindagi mag'lubiyatga izoh berib o'tar ekan, terma jamoa birinchi bo'limda juda ham yomon to'p surganini ta'kidlab o'tgandi.
— deya xabar beradi uff.uz nashri.