So'nggi paytlarda barchamiz guvoh bo'layotganimizdek, Osiyoda ham futbol yil sayin rivojlanib bormoqda. Klublar-u terma jamoalar o'rtasida raqobat ortib, nufuzli musobaqalarda g'olib chiqish borgan sayin qiyinroq ko'rinish olmoqda.
Diqqatga sazovor jihati shundaki, sensatsion natijalar va voqealar nafaqat terma jamoalar miqyosida, balki qit'amizning turli milliy chempionatlarida ham ro'y bermoqda. Masalan, endilikda jahon tan olgan yulduz – Xavi Qatarda faoliyat yuritmoqda. Tan olish lozim, dastlab bu xabar chiqqanida ko'pchilik hayron qolgandi. Ammo sekin-asta butun dunyo Osiyo jamoalari ham moliyaviy jihatdan yuksalib, o'yin sifatini ham yaxshilab borishayotganini ko'rib turibdi. Natijada esa Osiyodagi turli ligalarda ham raqobat oshib, chempionatlar tomoshabopligi ortib bormoqda.
Bugundan boshlab Osiyodagi eng kuchli ligalar to'g'risida sizga qiziqarli ma'lumotlar berib boramiz. Bu ishni qit'amizdagi nufuzli chempionatlar qatorida e'tirof etiladigan Qatar Yulduzlar Ligasidan boshlasak. Zero, Yulduzlar Ligasini kuzatish uchun aytarli sababga egamiz: Bilasiz, joriy mavsumdan boshlab hamyurtimiz Sardor Rashidov Qatarning “Al Jaish” klubida faoliyat olib borayotir…
Ta'kidlash joizki, Qatar chempionatiga 1963 yilda asos solingan. O'sha paytlarda hali professional jamoalar bo'lmagan ersa-da, ichki birinchilik o'yinlari muntazam ravishda o'tkazib borilgan. Yillar davomida turli xil jamoalar Q-Ligada faoliyat olib borishgan. Diqqatga sazovor jihati shundaki, Qatarda mamlakat chempionati o'yinlari ancha vaqtdan buyon kuz-bahor tizimida o'tkazib kelinadi. Zero yoz oylarida Qatar maydonlarida to'p tepish ancha mushkul ish sanaladi. Shuni inobatga olgan tashkilotchilar xuddi boshqa ko'plab arab davlatlarida bo'lgani kabi kuz-bahor tizimida o'yinlarni o'tkazishadi.
Davomi Sports.Uz blogida.
— deya xabar beradi uff.uz nashri.