“Arsenal” klubi o'tgan mavsumda jamoa o'yinlari sonini tomosha qilish uchun stadionga tashrif buyurgan muxlislar sonini oshirib ko'rsatgani ma'lum bo'ldi. Ko'p hollarda “to'pchilar” taqdim qilgan raqamlar politsiyaning hisobotlaridagi muxlislar sonidan 5 ming nafarga oshib ketgan. “Arsenal” sotilgan chiptalar bo'yicha muxlislarni hisoblagan. Shu tariqa mavsumiy abonementga ega muxlislar garchi stadionga kelmagan bo'lsalar ham, umumiy miqdorga qo'shib yuborilgan. Eslatib o'tamiz, “Arsenal” klubining o'z maydonida kechadigan uchrashuvlar uchun chiqariladigan chiptalar Angliya Premer ligasidagi eng qimmat chiptalar hisoblanadi.
— deya xabar beradi uff.uz nashri.