Madridning "Real" klubi bosh murabbiyi Rafael Benites va hujumchi Krishtianu Ronaldu o'rtasidagi munosabatlar ancha keskin ko'rinish olgan.
Xabar qilinishicha, bunga sabab sifatida Benites portugaliyalik hujumchi haqida aytgan gaplari ko'rsatilmoqda. Eslatib o'tamiz, Benites o'zi boshqargan futbolchilar orasida Ronaldu eng yaxshilardan biri ekanini aytgan, ammo u eng yaxshisi ekanini ta'kidlay olmasligini bildirgan edi.
Garchi shundan so'ng u Ronalduni dunyoning eng yaxshi futbolchisi deb aytgan bo'lsada, Ronaldu baribir uning dastlabki gaplarini unuta olmayapti va murabbiy bilan gaplashmayapti. Aynan shu sababga ko'ra u 21 sentyabrda jamoa bilan rasmiy suratga tushish tadbiri chog'ida Benites bilan yonma yon turishdan bosh tortgan.
— deya xabar beradi uff.uz nashri.