Qadrli futbolsevar do'stlar!
Bugun 31 dekabr - yilning eng oxirgi sanasi. Ertadan 2016 yil kirib keladi. Bugun o'tayotgan yilimizni sarhisob qilib, yangi rejalar tuzamiz.
Umuman olganda, 2015 yil yurtimiz uchun juda muvaffaqqiyatli keldi. Har bir sohada yutuqlarga erishdik. Jumladan, sport sohasida ham yurtimiz bayrog'i baland ko'tarildi. Albatta, futbol ham kerakli natijalarga erishdi.
Milliy terma jamoamiz so'nggi o'yinlarni yaxshi o'tkazib, JCh-2018 musobaqasida o'z imkoni darajasida qatnashmoqda. Kelayotgan yilda ham futbolimiz muhim bosqichni bosib o'tadi.
Bugun ezgu niyatlar kilinadigan kun. Siz ham o'z yaqinlaringizdan tortib, tanish-bilishlaringizgacha shirin so'zni ayamang. Ularni bayram bilan tabriklang. Zero, Yangi yil oqshomini qanday kutib olsak, boshlanajak yilda ham mana shu kayfiyat hukmron bo'ladi.
UFF.uz sayti xodimlari yil davomida Siz bilan birga bo'ldi. Nasib qilsa, hali ko'p marta birga bo'lamiz. Barchangizni kirib kelayotgan Yangi 2016 yil bilan chin yurakdan muborakbod etamiz. Uyingizdan qut-baraka, dasturxoningizdan to'kinlik va oilangizdan baxt arimasin. Barcha ezgu-niyatlaringiz Yangi yilda amalga oshsin.
Yurtimiz futboli rivojlanishda davom etsin!
Yana bir bora Yangi yilingiz bilan, aziz do'stlar!
— deya xabar beradi uff.uz nashri.