Umr oqar daryodan ham shiddat bilan o'tar ekan.  Eslasangiz, yaqindagina Alisher aka bilan mana shunday tabrik yozgandik. Bir aylanib yangi irg'ishlayotgan toychoqdek bo'lib yana Yangi yil ro'paramizda  turibdi, qarang. Nima ham derdik, buni bizning hukmimizga bo'ysunmas omil -  vaqt  deydilar.
“Real”chilar “Barsa”chilar bilan “Ronaldushunos” ukalar o'zlariga xesh bilmas “Messiparvar” muxlislar ila tortishib-talashib, butun boshli to'rt fasldan iborat yilni o'tkazib yuboribmiz.
Buyoqda  muammosi arimaydigan terma jamoamiz ham bor. O'zi aslida hech rozi bo'lmaydi, mana shu ishqiboz degan halq... Yo'q erdan ayb topadi. MTJ yutqazsa  murabbiyni ayblashadi, yutsa ham shu ahvol - agar falon o'yinchini o'rniga pistonchisini olganida bundan-da kattaroq hisob bo'lar edi, deya yana ajoyib so'zlar bilan jig'iga tegishadi.  Ba'zida - hozirgi ishqibozlar futbol ko'rish o'rniga nuqul xatolarni sanaydigan bo'lib qoldi-yov, deb o'ylab qolasan, kishi.            
Lekin, muxlis tomonidan aytilgan barcha gaplar zamirida bittagina mushtarak,  ulug' maqsad yotadi  -  u ham bo'lsa MTJni mundialda ko'rish! Ishoning, o'sha faqat Evropa klublarini tan oladigan ishqibozlar ko'nglining eng to'rida ham milliy terma jamoaga bo'lgan muhabbat yotadi.
Eski yil bizga ko'p hayajonli daqiqalarni hadya etgani, rost. Yangi yilda nasib qilsa, bizni ko'p yillik umidlarimiz indallosi kutib turgan bo'lsin!
 
“Qorxat” yozish,  milliy an'analarimizdan biridir, balki(yana bilmadim...). Shunday ekan, Alisher aka barcha tanish yuzerlarga atab qo'ldan kelganicha qalam tebratibdi.
    
Qovun pishig'in ko'pin,
Ko'rganidan "Begemot",
Futbol tarixidan gap
Ketsa qilar ko'pni mot.
Eng zo'r "Barsa"chiga gar,
E'lon bo'lsa bir to'n bor,
Bu to'nga nomzodlikka,
"Lionel Messi 10" bor.
O'n bir metrdan to'pni,
Qolsa Messi urolmay,
"Ilxom 3031",
Kinoyalar hech tolmay.
Har kun saytda mavzular,
Keldi, ketdi, o'tdi bor,
Eng ko'p komment yozar bir,
"Tiger 007" bor.
"Barsa" "Real" haqida,
Saytda bulsa fikru so'z,
Albat bordir qatorda,
Komenti birla "Boss uz".
Monitor ortida xam,
Hohlasangiz pana bor,
Futbol bashoratida,
Shundaylardan "SANA" bor.
O'zgarishlar zamoni,
Borar o'zgarib zamon,
"UEFAKOM" fikrida,
Sobit turibdi hamon.
Futbol muxlislaridan,
Mingdanda ko'p tanishi,
"Inoyatov"ning suygan,
Mehmon kutishdir ishi.
Muxlislikka jamoa ko'p,
"Gamburg", "Zenit", "Bayer" bor,
Saytda imzoli faqat,
"MC_AIR" bor.
Har jamoaning o'z vaqti,
Ko'tarilar piki bor,
Har yuzerning bu saytda,
Kami bitta niki bor.
Kim bildi kim bilmadi,
Saytda bo'ldi yangilik,
"Stiv Je" "Bavarpul" deb,
Ochibdi-ku yangi nik.
"Akademiya" saytda,
Komentlarin ko'paytdi,
Eh - hey ko'plar bilmagan,
Qancha sirlarni aytdi.
Saytda "AZCAN" bo'lsa gar,
Ko'plar oladi qizil,
Qo'llar tortishuvlarda,
O'zgacha qaltis usul.
Mutoyiba hazillar,
Bitdim nikli bitiklar,
Xafa bo'lmasda qolgan,
"Simpleman", "Stig"lar...
Olg'a RealIm deya,
Koment bitar "FBR",
O'z nomila "FBR"da,
Chalg'itadi mug'ombir.
"Seriy" yutar ko'p bora,
Dahanaki janglarda,
Tahlilda sharhlovchilar,
Qolib ketar changlarda.
Saxovatda daryo-yu,
Tog' bo'lingiz yuzerlar.
Yangi yilda ham omon,
Sog' bo'lingiz yuzerlar! Elmurod ERMATOV, Alisher NORBOBEV(ALBARS)
— deya xabar beradi uff.uz nashri.