Osiyo Chempionlar ligasidagi raqiblarimiz ichki musobaqalarda ishtiroklarini davom ettirishmoqda.
"Al Hilol" Saudiya Arabistoni chempionatida 13 turdan keyin 33 ochko to'plab, "Al Ahli" bilan birga peshqadamlik qilmoqda. Ular yaqin ta'qibchi "Al Ittihod"dan 7 ochkoga o'zib ketishgan. "Valiahd Shahzoda Kubogi"da "Hilol" finalga yo'l oldi va "Ahli" bilan 19 fevralda to'qnash keladi. Yana bir kubokda ishtirokini Giorgos Donis shogirdlari 21 yanvarda "Al Nahdha"ga qarshi uchrashuv bilan boshlashadi.
"Traktorsozi" Eron chempionatida 17 o'yindan keyin 26 ochko to'plab, 7-pog'onada bormoqda. Sovrinli o'rindan jamoani 3 ochko ajratib turibdi. Tabrizliklar kubokdagi yurishini yarim finalda to'xtatdi.
"Al Jazira" BAA chempionatida 13 uchrashuvda 14 ochko yig'ib, 10-o'ringa joylashgan. "Al Sadd" esa 15 bellashuvda 28 ochkoga ega va 4-o'rinni egallab turibdi.
— deya xabar beradi uff.uz nashri.