Angliya Liga kubogining 1/2 final bosqichidan o'rin olgan “Everton” hamda “Manchester Siti” klublari o'rtasidagi dastlabki uchrashuv o'z nihoyasiga etdi. Unda 2:1 hisobi qayd etilib, mersisaydliklarning g'alabasi bilan yakunlandi. Dastlab, birinchi bo'limning so'nggi daqiqasida Funes Mori hisobni ochdi. Ikkinchi bo'limning 76-daqiqasiga kelib, Xesus Navas muvozanatni tikladi. Lekin, oradan ikki daqiqa o'tar-o'tmas Romelu Lukaku hisobni 2:1 ko'rinishga olib keldi. Final hushtagiga qadar aynan shu hisob tabloda saqlanib qoldi. Demak, “Everton” Angliya Liga kubogi 1/2 final bosqichining dastlabki uchrashuvida g'alabaga erishdi. Angliya Liga kubogi. 1/2 final
Dastlabki uchrashuv Everton – Manchester Siti 2:1 (1:0, 1:1)
Gollar: 1:0 – 45 Funes Mori, 1:1 – 76 Navas, 2:1 – 78 Lukaku.
Everton – Robles, Stounz, Beyns, Koulmen, Funes Mori, Barkli, Beshich, Kleverli (Osman, 46), Berri, Deulofeu (Miralyas, 68), Lukaku (Kone, 82).
Manchester Siti – Kabalero, Otamendi, Klishi, Sanya, Mangalya (Demichelis, 46), Fernandino, Delf (Navas, 54), Ture, Silva, de Bryuyne (Fernando, 90), Aguero.
Ogohlantirishlar: Delf (51).
— deya xabar beradi uff.uz nashri.