1993/1994 yilgi mavsumdan boshlab Angliya Premer ligasida har oyda eng yaxshi murabbiylar aniqlanib kelinadi. Shundan buyon 14 mamlakatning 70 nafar murabbiyi ushbu mukofotga sazovor bo'lishgan. Biz eng ko'p oy murabbiyi bo'lganlar haqida to'xtalib o'tamiz.
9. Kevin Kigan – 5 marta
1993 yil (noyabr), 1994 yil (avgust), 1995 yil (fevral, avgust, sentyabr)
Ikki karra “Oltin to'p” sohibi bo'lgan Kevin Kiganning murabbiylik bobida ham omadi keldi. U 1992-1997 yillar mobaynida “Nyukasl Yunayted” jamoasiga murabbiylik qildi va ana shu davrda 5 marta oyning eng yaxshi murabbiyi deb topildi. Kevin boshchiligidagi “qarg'alar” 1993-yilda Premer ligaga yo'llanmani qo'lga kiritishadi. 1996 va 1997 yillarda esa chempionatda “Manchester Yunayted”dan keyingi ikkinchi o'rinni egallashga muvaffaq bo'ladi.
8. Sem Allerdeys – 6 marta
2001 yil (avgust), 2003 yil (noyabr), 2004 yil (yanvar), 2006 yil (dekabr), 2014 yil (fevral, oktyabr)
Semning murabbiylikdagi “oltin davr”lari “Bolton”da o'tdi. U ushbu klubga 1999-2007 yillarda murabbiylik qildi. Ana shu davrda Allerdays 4 marta Premer ligada oy murabbiyiga atalgan sovringa sazovor bo'ldi. U jamoasini 2001-yilda pley-offdagi g'alaba orqali Premer ligaga olib chiqqan edi. Shundan so'ng “Bolton” Angliya chempionatining doimiy a'zosiga aylandi. U keyinchalik “Nyukasl” va “Blekbern”ga ham murabbiylik qildi. 2011-yildan buyon esa “Vest Xem”ga ustozlik qilmoqda. U ushbu jamoadagi ajoyib natijalari tufayli yana ikki marta oy murabbiyi deb e'tirof etildi.
Davomi Furqat Yusupov blogida.
— deya xabar beradi uff.uz nashri.