“Shalke” klubi yarim himoyachisi Sidni Sem qishda Gelzenkirxenni tark etishi mumkin. Bu haqida Kicker nashri ma'lumot berdi. Xabar qilinishicha, 27 yoshli xavbekning xizmatlariga “Liverpul“ jamoasi ustozi Yurgen Kloppning shaxsan o'zi qiziqish bildirmoqda. Sem bahorda gelzenkirxenlik jamoa mashg'ulotlaridan chetlatilgandi, yozda esa “Shalke” uni “Ayntraxt”ga ijaraga bermoqchi bo'lgan, ammo futbolchining sog'lig'i bilan bog'liq muammolari tufayli transfer amalga oshmay qoldi. Noyabr oyida o'yinchi mashg'ulotlarga qaytdi, biroq, hali ham Germaniya chempionatining bironta uchrashuvida maydonga tushmadi.
— deya xabar beradi uff.uz nashri.