Angliyaning "Liverpul" klubi rahbariyati qishki transferlar mavsumi vaqtida hujumchi Deniel Starrij bilan xayrlashishga tayyor. Bu haqida Mirror nashri xabar berdi.
Manbada aytilishicha, hujumchining muntazam ravishda jarohat olishi bunga sabab bo'lmoqda va uning klubdagi kelajagi "qizillar" ustozi Yurgen Kloppda bir qator savollar tug'dirmoqda.
Agar yanvarda moliyaviy jihatdan anchagina foydali taklif kelib tushsa, jamoa rahbariyati futbolchini sotib yuboradi.
Eslatib o'tamiz, Starrij "Nyukasl"ga (0:2) qarshi Angliya chempionatining 15-tur uchrashuvida orttirib olgan son jarohati tufayli 6 dekabrdan buyon maydonga tusha olmayapti.
Joriy mavsumda futbolchi APLning 5ta o'yinida maydonga tushib, ikkita gol kiritgan.
— deya xabar beradi uff.uz nashri.