Bugun "Navbahor" a'zolari mashg'ulot o'tkazishmadi.
Aksincha, bir haftalik mashg'ulotlar davomidagi charchoqni yozib, hordiq chiqarishdi. Bugun jamoamiz lageriga moziyning taniqli darvozabonlaridan biri Anvar Jabborov ham kelib qo'shildi. Futbolchilik faoliyatining bir qismini aynan “Navbahor”da davom ettirib, mahalliy muxlislarning kumiriga aylangan Jabborov endilikda jamoamizda darvozabonlar murabbiyi sifatida ish yuritadigan bo'ldi. Kecha bo'lib o'tgan ikki taraflamali nazorat o'yinidan keyin jamoamiz safida shug'ullanayotgan bir qator futbolchilarga javob berildi. S.Abdullaev, B.Sharofiddinov, D.Nazirov, O.Halilov, B.Karimjonov, I.Jo'raev, J.Abdujjaborov, M.To'raev, F.Shokirov kabi futbolchilar shular jumlasidandir. Ertaga jamoamiz mashg'ulotlarga kirishadi. Dastlabki mashg'ulot ertalab, trenajyor zalida olib borilsa kechki payt futbolchilarimiz maydonda shug'ullanishadi.
— deya xabar beradi uff.uz nashri.