O'tgan haftadan boshlab “Nasaf” o'rinbosarlar jamoasi yangimavsumga tayyorgarlikka kirishdi. Ayni paytda jamoa tarkibida bir qator o'zgarishlar bor. O'tgan yili yoshlar ligasi bahslarida o'zlarini har tomonlama ko'rsata olgan Sirojiddin Qo'ziev, Akbar Murodov, Islom Rashidxonov, Dilshod Xushbakov, Najmiddin Normurodov singari yoshlar asosiy tarkibga jalb etilgan. O'z navbatida “Nasaf” futbol maktabi bitiruvchilari Xudoyor Sagdullaev, Siroj Ettiboev, Dilshod Nasrullaev, shuningdek Amir Hoshimov o'rinbosarlar jamoasi mashg'ulotlarida ishtirok etishmoqda. Jamoa a'zolari kuniga ikki mahala mashg'ulot o'tkazishmoqda.Mashg'ulotlar “Geolog” stadioni va “Nasaf” futbol maktabiga qarashli sun'iy qoplamali maydonda o'tkazilmoqda. Kuni kecha o'rinbosarlar jamoasini Nishonning “Nuriston” futbolchilari bilan nazorat uchrashuvini o'tkazib, 2:2 hisobidagi durangga erishishdi. Ular navbatdagi nazorat uchrashuvida ertaga Kosonning “Alanga” jamoasiga qarshi maydonga chiqishadi.
— deya xabar beradi uff.uz nashri.