Mamlakatimiz 1993 yili  Xalqaro olimpiya qo'mitasiga a'zo bo'lib kirgach, bizda sport olamining eng yirik musobaqasida alohida bayroq ostida ishtirok etish imkoniyati tug'ildi. Xususan, futbolchilarimiz ham olimp dovonini zabt etishga kirishdilar.
To'g'ri, ilk urinishlarda olimpiya terma jamoamiz Osiyodagi saralash bosqichida aytarli karomat ko'rsatolmadi. Lekin Olimpiada-2012 saralashiga kelib, jamoamiz ancha faollashdi va London chiptasini olishiga bir bahya qoldi. Umuman, O'zbekiston olimpiya termasi shu kunga qadar 4 yillikning eng yirik musobaqasiga chiqish yo'lida 5 marta kurash olib bordi. Demak, bugun Qatarda boshlanadigan OK-2016 bizning jamoa uchun olimp sari 6-urinish hisoblanadi. Futbolchilarimizga bu safar nihoyat, omad kulib boqishini tilagan holda, bungacha Osiyoda Olimpiada saralashi qay tariqa o'tkazilgani-yu, unda vakillarimiz nechog'li ishtirok etishganini birrov eslashni lozim topdik.
Atlanta-96 saralashi
Osiyo mintaqasida saralash turniri 1995 yilning 20 mayidan 1997 yilning 27 martiga qadar 3 raundda o'tkazildi. To'g'ri, OFKga 40tadan ortiq mamlakat futbol assotsiatsiyasi a'zo bo'lsa-da, saralash bosqichida 25ta jamoa qatnashdi. 1-raundda 25ta jamoa 8ta guruhga bo'lindi. Xususan, 5-guruhda Markaziy Osiyoning 4ta jamoasi joy oldi. Qolgan guruhlarda esa 3tadan terma keyingi bosqichning yagona yo'llanmasi uchun kurash olib bordi.
Terma jamoamiz ishtiroki. Vakillarimiz aslida saralashni juda omadli boshlagandilar. Qolaversa, 2-turda Qirg'iziston va Qozog'iston termalarining o'zaro durang o'ynashgani ham bizga yaxshigina imkoniyat hadya etdi. Lekin 3-turda Toshkentda qozoqlarga yutqazganimiz va keyin Tojikistonda mezbonlarni yutolmaganimiz pand berib, jamoamiz guruhda 2-o'rin bilan cheklandi.
Davomi InterFUTBOL gazetasi blogida.
— deya xabar beradi uff.uz nashri.