Qatar yashil maydonlarida start olgan U-23 Osiyo chempionati O'zbekiston olimpiya terma jamoasi uchun omadsiz boshlandi. Yigitlarimiz dastlabki o'yinda azaliy va barcha davrlardagi noqulay  raqibi janubiy koreyaliklarga qarshi maydonga chiqib, 1:2 hisobida imkoniyatni boy berdi. Bugun, mazkur muvaffaqiyatsizlikning sabablarini o'rganib chiqishga harakat qildik.  
1. Kuchli hayajon
O'zbekiston olimpiya terma jamoasi a'zolari dastlabki daqiqalardan hayajonga berilib to'p surganligi yaqqol ko'zga tashlanib turdi. Tarkibdagi ayrim futbolchilar xalqaro maydonlarda tajribaga ega bo'lmaganligi ham o'z ta'sirini o'tkazdi.  Shuningdek, futbolchilarimiz oddiy vaziyatlarda bir-biriga to'p uzatishda juda ko'p xatolarga yo'l qo'yishdi.
2. Himoyadagi pala-partishlik
Olimpiyachilarimizning himoyadagi pala-partish o'yini mag'lubiyatning asosiy sabablaridan biri desak, adashmagan bo'lamiz. Uchrashuvning boshidayoq himoyachilarimiz bir-birini tushunmay, raqibga keskin hujumlar uyushtirishga imkon yaratib berishdi. Anchadan buyon o'yin amaliyotiga ega bo'lmagan Jamshid Boltaboevning asosiy tarkibda tushishi ko'pchilikni hayratga soldi.
Birinchi bo'limda aksariyat hujumlar aynan u himoya qilgan, o'ng qanotdan amalga oshirildi. Qanotdagi zaiflikni sezgan janubiy koreyaliklar hujumlarga zo'r berib, oxir-oqibat o'z maqsadlariga erishishdi.  Penalti haqli ravishda belgilanmagan bo'lsa-da, bu o'yin natijasiga ta'sir qildi.  Maksimilian Fomin ham bo'sh o'yini bilan o'zidan salbiy taassurot qoldirdi.
Ikkinchi bo'limning ilk daqiqalarida o'tkazib yuborilgan gol ham Boltaboevning qanotidan boshlangan hujum orqali bo'ldi.  Mana shu golda himoya chizig'ining barcha vakillarini aybdor deb hisoblash mumkin. Markazda turgan Fomin bilan Kozak ham, chap qanotga ma'sul bo'lgan Akram Komilov ham juda sust harakat qilishdi.
Davomi Zohid Akramov blogida.
— deya xabar beradi uff.uz nashri.