Madridning "Atletiko" klubi rahbariyati va murabbiylar shtabi jamoa yarim himoyachisi Antuan Grizmann bilan xayrlashishni istashmayapti. Bu haqida Evropa matbuoti xabar bermoqda. Frantsiyalik futbolchi bu mavsumda juda yaxshi o'ynamoqda va bir qator top-klublarning nigohiga tushib ulgurgan. Ular orasida poytaxliklarning printsipial raqiblari - "Real" jamoasi ham bor.
Ayni paytda futbolchining tovon puli 80 mln evroni tashkil qiladi. Lekin, yaqin vaqt ichida shu pul 100 millionga ko'tarilishi mumkin. Bu xatti-harakat orqali "Atletiko" vakillari futbolchni "Real"ga sotilishini oldini olishmoqchi.
Eslatib o'tamiz, bu mavsumda Grizmann 19ta o'yinda ishtirok etib, 10ta gol va 2ta golli uzatma bergan.
— deya xabar beradi uff.uz nashri.