O'zbekiston Olimpiya terma jamoasi Qatarda qoniqarsiz ishtirok etdi. Olimpiadaga yo'llanma olish vazifasi bajarilmadi.
Shu munosabat bilan, O'zbekiston futbol federatsiyasi prezidenti Mirabror Usmonov terma jamoa delegatsiyasining Toshkentga qaytib kelishi bilan majlis o'tkazishi haqida ma'lumotga ega bo'ldik.
O'FF prezidentiga yaqin bo'lgan norasmiy manbalarda olingan xabarlarga qaraganda, Samvel Babayan olimpiya terma jamoasi murabbiyligidan ozod etiladi. Bundan tashqari, majlisda Terma jamoalar Markazining ishi ham muhokama qilinadi. Katta ehtimollik bilan Asqar Tolibjonov ham ishidan olinishi kutilmoqda.
Hatto, terma jamoaning tibbiy xodimlaridan tortib, ma'murlarigacha kamida xayfsan berilishi ko'zda tutilgan.
Voqealar rivoji kuzatilmoqda.
— deya xabar beradi uff.uz nashri.