Xabaringiz bor, Angliya Premer ligasi 22-tur o'yinlarini sharhlab borish uchun "UzReport TV" telekanali "MATCh TV" sport jurnalisti, taniqli sharhlovchi Aleksandr Elaginni taklif qilgandi. Aleksandr Elagin Angliya chempionatidan o'rin olgan 4ta o'yinni to'g'ridan-to'g'ri efirda sharhladi.Bundan tashqari, u "UzReport TV" telekanali sharhlovchilari uchun o'ziga xos master-klass ham o'tkazib, o'z tajribalari bilan o'rtoqlashdi hamda qimmatli maslahatlar berdi. Shuningdek, "MATCh TV" sharhlovchisi bugun Botkina nomidagi qabristonda joylashgan "Paxtakor-79" xotira majmuasiga borib, 1979 yil fojeali tarzda halok bo'lgan futbolchilar va murabbiylar xotirasiga hurmat bajo keltirdi.
— deya xabar beradi uff.uz nashri.