Tavsiya qilamiz:
UzBARCA.COM - FC Barcelona Muxlislar sayti !!!
" Real madrid " muxlislari sayti !!!
"FUTBOL TV " Yangiliklar !!
" Real madrid " muxlislari sayti !!!
"FUTBOL TV " Yangiliklar !!
Poytaxt tomonlarda nima gap?
Birinchi liga jamoalarining uy stadionlari haqidagi ma'lumotlarni berishda davom etamiz. Bugun “Sharq” vakillarining “uylarini” tanishtiruvini yakunlaymiz.
Farg'ona, Namangan, Andijondan keyin poytaxtga ko'chib o'tamiz. Ushbu mavsum O'zbekiston Birinchiligining “Sharq” mintaqasida poytaxt sharafini “Oq-tepa”, “NBU-Osiyo”, “Paxtakor-2” va “Bunyodkor-2” himoya qildi. Uch ishtirokchidan faqat yosh “qaldirg'ochlar” ikkinchi bosqichga chiqa olmadi. Dmitriy Kim boshchiligidagi jamoa tajribali raqiblari oldida tajribasizlik qildi.
Qolganlar esa, ikkinchi bosqichda ham raqiblariga haqiqiy “bosh og'riq” bo'lmoqda. Oddiy misol, “Paxtakor-2” 7-turda “Xorazm”dan ustun kelgan bo'lsa, “NBU-Osiyo” peshqadam “Obod”ni yirik hisobda mag'lub etdi. “Oq-tepa” esa, oliy liga yo'llanmasi uchun kurash olib bormoqda. Lekin bu boshqa masala. Biz bugun mazkur to'rt jamoaning uy stadionlari haqida ma'lumot beramiz. Ahamiyatlisi, stadionlarning ikkitasi poytaxtimizning Chilonzor, yana ikkitasi esa, Shayxontohur tumanida joylashgan. Dastavval farm-klublarga to'xtalamiz.
Chilonzordagi maydonlar
“Paxtakor-2” raqiblarini poytaxtimizning Chilonzor tumanidagi o'yingohda qabul qiladi. BO'SMning ma'muriy binosi joylashgan mazkur o'yingoh futbol mutaxassislari orasida yaxshigina tanish. Chunki bu maydon azaldan ko'p jamoalar uchun xizmat qilgan va hozir ham xizmat qilib kelmoqda. Ayniqsa, qishda ko'plab klublar, jumladan qo'shni yurt jamoalari ham Chilonzorda “to'xtab” o'tishadi. Sababi, stadionga sun'iy qoplami chim yotqizilgan. Shu bois, aksar jamoalar qishda bu maydondan foydalanishadi.
O'yingohning atrofi maxsus to'siqlari bilan o'rab chiqilgan. Maydonning faqat bir tomonida muxlislar uchun bir qatordan iborat o'rindiqlar qo'yib chiqilgan. O'rindiqlarda taxminan 50 nafar ishqiboz bemalol o'tirib, o'yinni ko'rishlari mumkin. Qolganlar maydoning biqinidagi chimda o'tirib, uchrashuvni tomosha qiladilar. Qanot hakami bilan ishqibozlar orasida hech qanday to'siq yo'q. Oraliq masofa ham uzoq emas. Murabbiylar shtabi va zaxira o'yinchilari uchun ajratilgan joylar yomg'irdan himoyalangan. To'rtinchi hakam va nazoratchiga ajratilgan joy ham yopiq holatda.
Stadionning atrofida turli tashkilotlarning ma'muriy binolari, ko'p qavatli uylar joylashgan. Futbolchilar to'pni yuqoriga tepadigan bo'lsa, jamoa ma'murlariga ortiqcha ish topiladi. Ular koptokni turli hududlaridan topib kelishga majbur bo'lishadi.
Maydonning o'lchami standart talablarga bemalol javob beradi. O'lcham maksimal ham, minimal ham emas. Stadionda qo'l bola tablo ishlaydi. Projektor haqida gap-so'z bo'lishi mumkin emas. Yana bir gap: jamoalar uchun ajratilgan echinish xonasining holati ham ko'ngildagidek. Xona biroz torligini inobatga olmasa futbolchilarga barcha sharoitlar yaratishga harakat qilingan. Qisqacha xulosa shuki, maydon jamoalarning mashg'ulot o'tkazishlari uchun juda qulay, ammo rasmiy o'yinlar haqida o'ylab ko'rish kerak, lekin bizda boshqa stadionlar bilan solishtirganda bu maydon to'g'risida faqat iliq fikrlar bildirish mumkin.
Bu stadion yaqinida muhtasham “Bunyodkor” o'yingohi joylashgan. Stadionlar orasidagi masofa piyoda yurilganida 10 daqiqani ham tashkil qilmasligi mumkin. O'sha muhtasham stadionning atrofida jamoa akademiyasi tarbiyalanuvchilari, asosiy va o'rinbosalar tarkibi mashg'ulotlar o'tkazadigan maydonlar bor. Ularning aksari tabiiy qoplamali, yana bir nechtasi sun'iy qoplamali maydonlardir. Qishda mazkur maydonlarning sun'iy qoplamalilari oliy liga klublari uchun mashg'ulot o'tkazish maydoniga aylanadi. Qolaversa, PFL Kubogining aksar uchrashuvlari ham shu maydonlarda tashkil qilinadi. Sababi oddiy, maydonlarning holati ajoyib ko'rinishda. Buni stadionlarni ko'rganlar juda yaxshi bilishadi. “Bunyodkor-2” jamoasi uy o'yinlarini aynan shu stadionlarda o'tkazadi. Vaziyatdan kelib chiqqan holda maydonlar tanlanadi.
Maydonlarning sifatini aytganimizdek, faqat maqtash mumkin. Chunki chim stadion xodimlari tomonidan shunday parvarishlanadiki, ko'zingiz quvnaydi. Maydon ham juda tekis. Xoh tabiiysi bo'lsin, xoh sun'iysi, chimning holati a'lo darajada. Ahamiyatlisi, doimo a'lo darajada bo'ladi. Maydonning o'lchami ham talab darajasida. Projektorlar ham bor. Qisqasi, futbolchilar yaxshi o'yin ko'rsatishlari uchun barcha sharoitlar bor. maydonga tushib faqat o'ynash kerak.
Albatta, ish bor joyda kamchilik bo'ladi. “Bunyodkor” akademiyasi maydonlarida kamchilik yo'q. Faqat echinish xonalari uzoqda ekanligini aytmasa. Aslida bunga klub aybdor emas. Chunki maydonlar akademiya tarbiyalanuvchilari uchun qurilgan. PFL esa, bu maydonlarda rasmiy o'yinlar o'tkazishga ruxsat bergan. Xullas, echinish xonalari kamligi uchun ayrim hollarda maydon bilan echinish xonasining oralig'i uzoqlashib ketadi. Natijada jamoalar tanaffusni maydonning o'zida o'tkazib qo'ya qolishadi. Lekin echinish xonasidagi sharoitlar yaxshi darajada. U erda barcha sharoitlar muhayyo qilingan.
Yana bir kamchilik shuki, tabiiy holatda maydonda tablo yo'q. Qolaversa, muxlislar uchun o'rindiqlar ham ajratilmagan. Ishqibozlar maydon chetidagi to'siqdan keyin yotqizilgan chimlar ustida o'tirib bemalol o'yin ko'rishlari mumkin. Hatto murabbiylar shtabiga ham doimiy bo'lmagan o'rindiqlar beriladi. Agar kutilmaganda yomg'ir yog'sa zaxira o'rindig'idagilarni yomg'irdan to'sadigan to'siq yo'q. Zaxira hakami uchun ham hech qanday qulaylik yo'q. Ammo yuqorida ta'kidlaganimizdek, bunday kamchiliklar maydonda futbolchilarning chiroyli o'yin ko'rsatishlariga to'sqinlik qilmaydi.
Shayxontohurga yo'l olamiz
“NBU-Osiyo” aslida uy uchrashuvlarini poytaxtimizning Yunusabod tumanida joylashgan “Yoshlik” sport markazidagi stadionda o'tkazardi. Ammo so'nggi ikki yildan buyon bu maydonda rekonstruktsiya ishlari olib borilmoqda. Natijada “bankirlar” raqiblarini ijara asosida “Jar” stadionining mashg'ulot maydonida qabul qilmoqda.
Bu maydon muxlislarga yaxshi tanish, desak mubolag'a bo'lmasa kerak. Sababi, turli yoshdagi terma jamoalarimiz bir necha yillardan buyon shu maydonda mashg'ulot o'tkazib keladi, kerak bo'lsa, xalqaro o'rtoqlik uchrashuvlarini ham o'tkazishadi. Shayxontohur tumanining Chorsu dahasidagi maydon katta ko'chadan ham ko'rinib turadi. Shuning uchun stadionga kirishning iloji bo'lmasa, o'yinlarni maydonni o'rab turgan to'siqlar atrofida ham kuzatsa bo'ladi.
Maydonning ikki tarafida muxlislar uchun tribuna bor. Agar ikkala tribuna butunlay to'lsa, taxminan 1500-2000 ming ishqiboz o'yinni bevosita stadionda ko'rish imkoniyatiga ega bo'ladi. Bir tarafdagi tribuna bilan jamoalar uchun ajratilgan zaxira o'rindig'i birlashib ketgan. Zaxira o'rindig'ining usti yopilgan. Lekin istagan ishqiboz klub rasmiylariga halaqit berishlari mumkin. Hatto zaxira hakami ham hech narsadan himoyalanmagan. Unga o'tirish uchun stul yo'q, alohida maxsus joy ajratilmagan. Eng kerakligi bo'lgan tribuna bilan maydon orasida hech qanday to'siq yo'q.
Jamoalar “Jar”ning asosiy maydoniga qarashli echinish xonasidan foydalanishadi. Echinish xonasidagi holat oliy liga klublari darajasida. Issiq suv, sovuq suv, massaj xonalari, hojatxona. Maydon bilan echinish xonasi orasidagi masofa uzoqligi bois, na hakamlar va na jamoalar tanaffus vaqtida o'z xonalariga borishmaydi. Maydoning turli qismlarida hordiq chiqarib, murabbiy va nazoratchilardan tegishli ko'rsatmalarni olishadi.
Maydonning o'lchami standart talablarga javob beradi, tabiiy qoplamali chimning holati ham yomon darajada emas. Lekin a'lo deb ham bo'lmaydi. Kichik stadionda tablo bor, ammo ishlamaydi. Projektor haqida gapirishga umuman hojat yo'q. Xullas, bu stadionda ham muammolar bor.
Endi Shayxontohur tumanining boshqa hududida joylashgan “Oq-tepa” stadioni haqida. Asli umumta'lim maktabiga tegishli bo'lgan mazkur maydon kichik bir mahalla ichida joylashgan. Stadionning ikki tarafida ishqibozlar uchun tribuna bor. Katta ehtimol bilan bu o'yingohda bemalol uch ming muxlis uchrashuvni kuzata oladi. O'yingohning qolgan ikki tarafi maxsus to'siqlar bilan o'rab chiqilgan. O'sha ikki tomon avtomobillar o'tadigan yo'l bo'lganligi bois, o'yin davomida ham mashinalar harakatlanayotganini ko'rib turishingiz mumkin. Yoki o'sha ikki tarafda mahalliy aholi istiqomat qiladigan hovlilar joylashganini bois, ular kerak bo'lsa, uylarining ikkinchi qavatidan stadionda davom etayotgan o'yinlarni kuzata olish imkoniyatiga ega bo'lishadi. Yuqoridagi uch stadiondan farqli ravishda bu o'yingohda muxlislar bilan qanot hakami orasida katta to'siq bor. To'g'ri, masofa biroz yaqin va ishqibozlar bemalol referi assisentlarini, zaxira hakamini chalg'itishi mumkin, ammo asosiysi to'siq bor. Lekin bu erda ham zaxira hakami uchun alohida maxsus joy yo'q.
Maydonning o'lchami standart talablarning minimal darajasiga javob beradi, ya'ni, 100x64. Maydonga sun'iy chim yotqizilgan. Shuning uchun qishda aksar klublar shu maydondan foylanib turishadi. Zaxira o'rindig'i a'zolari va bir tomondagi tribunaning o'sti yopiq, yomg'irdan himoyalangan. Bu stadionda ham birinchi liganing ko'plab o'yingohlarida bo'lgani singari qo'l bola tablo ishlaydi.
Jamoalarning echinish xonasi talab darajasida. Keng va yorug'. Asosiysi, hojatxona va yuvinish xonalari bor. U erda issiq-sovuq suv muntazam ravishda bo'ladi. Hakamlar xonasida ham referilarga barcha sharoitlar yaratilgan. Qolaversa, echinish xonalari maydondan uzoqda emas, jamoalar tanaffusda ham bemalol echinish xonasiga yo'l olishadi. Ammo bu stadionda ham projektor borasida muammo topiladi. To'g'ri, ayrim uchrashuvlarda yoritgichlar yoqiladi, biroq projektorlarining yoritish kuchi yuqori darajada emas.
Umumiy muammolar
Birinchi liganing deyarli barcha klublari uchun umumiy muammo, bu stadionda OAV xodimlariga joy ajratilmaganidir. Musobaqada asosan havaskor klublar ishtirok etishi sababli bunga ehtiyoj sezilmasa kerak, ammo baribir OAVga qandaydir sharoit yaratilishi shart. Yana bir gap: yuqoridagi to'rttala stadioning hech birida uchrashuvlarga chipta sotish orqali klubning moliyaviy muammolarini qaysidir qismi “yopilmaydi”.
Vaholanki, zamonaviy futbolda chipta savdosi muhim rol o'ynayotganiga ancha bo'lgan. To'g'ri, yuqoridagi to'rt klubning uy uchrashuvlarini bevosita stadionda 100 nafarga etmaydigan ishqiboz kuzatadi. Shuning uchun chipta sotishga hojat yo'qdir, ammo klublarimiz professionallik sari intilayotgan ekan, bu borada ham ish olib borishsa, maqsadga muvofiq bo'lardi.
Manba: arena.uz
— deya xabar beradi uff.uz nashri.
Farg'ona, Namangan, Andijondan keyin poytaxtga ko'chib o'tamiz. Ushbu mavsum O'zbekiston Birinchiligining “Sharq” mintaqasida poytaxt sharafini “Oq-tepa”, “NBU-Osiyo”, “Paxtakor-2” va “Bunyodkor-2” himoya qildi. Uch ishtirokchidan faqat yosh “qaldirg'ochlar” ikkinchi bosqichga chiqa olmadi. Dmitriy Kim boshchiligidagi jamoa tajribali raqiblari oldida tajribasizlik qildi.
Qolganlar esa, ikkinchi bosqichda ham raqiblariga haqiqiy “bosh og'riq” bo'lmoqda. Oddiy misol, “Paxtakor-2” 7-turda “Xorazm”dan ustun kelgan bo'lsa, “NBU-Osiyo” peshqadam “Obod”ni yirik hisobda mag'lub etdi. “Oq-tepa” esa, oliy liga yo'llanmasi uchun kurash olib bormoqda. Lekin bu boshqa masala. Biz bugun mazkur to'rt jamoaning uy stadionlari haqida ma'lumot beramiz. Ahamiyatlisi, stadionlarning ikkitasi poytaxtimizning Chilonzor, yana ikkitasi esa, Shayxontohur tumanida joylashgan. Dastavval farm-klublarga to'xtalamiz.
Chilonzordagi maydonlar
“Paxtakor-2” raqiblarini poytaxtimizning Chilonzor tumanidagi o'yingohda qabul qiladi. BO'SMning ma'muriy binosi joylashgan mazkur o'yingoh futbol mutaxassislari orasida yaxshigina tanish. Chunki bu maydon azaldan ko'p jamoalar uchun xizmat qilgan va hozir ham xizmat qilib kelmoqda. Ayniqsa, qishda ko'plab klublar, jumladan qo'shni yurt jamoalari ham Chilonzorda “to'xtab” o'tishadi. Sababi, stadionga sun'iy qoplami chim yotqizilgan. Shu bois, aksar jamoalar qishda bu maydondan foydalanishadi.
O'yingohning atrofi maxsus to'siqlari bilan o'rab chiqilgan. Maydonning faqat bir tomonida muxlislar uchun bir qatordan iborat o'rindiqlar qo'yib chiqilgan. O'rindiqlarda taxminan 50 nafar ishqiboz bemalol o'tirib, o'yinni ko'rishlari mumkin. Qolganlar maydoning biqinidagi chimda o'tirib, uchrashuvni tomosha qiladilar. Qanot hakami bilan ishqibozlar orasida hech qanday to'siq yo'q. Oraliq masofa ham uzoq emas. Murabbiylar shtabi va zaxira o'yinchilari uchun ajratilgan joylar yomg'irdan himoyalangan. To'rtinchi hakam va nazoratchiga ajratilgan joy ham yopiq holatda.
Stadionning atrofida turli tashkilotlarning ma'muriy binolari, ko'p qavatli uylar joylashgan. Futbolchilar to'pni yuqoriga tepadigan bo'lsa, jamoa ma'murlariga ortiqcha ish topiladi. Ular koptokni turli hududlaridan topib kelishga majbur bo'lishadi.
Maydonning o'lchami standart talablarga bemalol javob beradi. O'lcham maksimal ham, minimal ham emas. Stadionda qo'l bola tablo ishlaydi. Projektor haqida gap-so'z bo'lishi mumkin emas. Yana bir gap: jamoalar uchun ajratilgan echinish xonasining holati ham ko'ngildagidek. Xona biroz torligini inobatga olmasa futbolchilarga barcha sharoitlar yaratishga harakat qilingan. Qisqacha xulosa shuki, maydon jamoalarning mashg'ulot o'tkazishlari uchun juda qulay, ammo rasmiy o'yinlar haqida o'ylab ko'rish kerak, lekin bizda boshqa stadionlar bilan solishtirganda bu maydon to'g'risida faqat iliq fikrlar bildirish mumkin.
Bu stadion yaqinida muhtasham “Bunyodkor” o'yingohi joylashgan. Stadionlar orasidagi masofa piyoda yurilganida 10 daqiqani ham tashkil qilmasligi mumkin. O'sha muhtasham stadionning atrofida jamoa akademiyasi tarbiyalanuvchilari, asosiy va o'rinbosalar tarkibi mashg'ulotlar o'tkazadigan maydonlar bor. Ularning aksari tabiiy qoplamali, yana bir nechtasi sun'iy qoplamali maydonlardir. Qishda mazkur maydonlarning sun'iy qoplamalilari oliy liga klublari uchun mashg'ulot o'tkazish maydoniga aylanadi. Qolaversa, PFL Kubogining aksar uchrashuvlari ham shu maydonlarda tashkil qilinadi. Sababi oddiy, maydonlarning holati ajoyib ko'rinishda. Buni stadionlarni ko'rganlar juda yaxshi bilishadi. “Bunyodkor-2” jamoasi uy o'yinlarini aynan shu stadionlarda o'tkazadi. Vaziyatdan kelib chiqqan holda maydonlar tanlanadi.
Maydonlarning sifatini aytganimizdek, faqat maqtash mumkin. Chunki chim stadion xodimlari tomonidan shunday parvarishlanadiki, ko'zingiz quvnaydi. Maydon ham juda tekis. Xoh tabiiysi bo'lsin, xoh sun'iysi, chimning holati a'lo darajada. Ahamiyatlisi, doimo a'lo darajada bo'ladi. Maydonning o'lchami ham talab darajasida. Projektorlar ham bor. Qisqasi, futbolchilar yaxshi o'yin ko'rsatishlari uchun barcha sharoitlar bor. maydonga tushib faqat o'ynash kerak.
Albatta, ish bor joyda kamchilik bo'ladi. “Bunyodkor” akademiyasi maydonlarida kamchilik yo'q. Faqat echinish xonalari uzoqda ekanligini aytmasa. Aslida bunga klub aybdor emas. Chunki maydonlar akademiya tarbiyalanuvchilari uchun qurilgan. PFL esa, bu maydonlarda rasmiy o'yinlar o'tkazishga ruxsat bergan. Xullas, echinish xonalari kamligi uchun ayrim hollarda maydon bilan echinish xonasining oralig'i uzoqlashib ketadi. Natijada jamoalar tanaffusni maydonning o'zida o'tkazib qo'ya qolishadi. Lekin echinish xonasidagi sharoitlar yaxshi darajada. U erda barcha sharoitlar muhayyo qilingan.
Yana bir kamchilik shuki, tabiiy holatda maydonda tablo yo'q. Qolaversa, muxlislar uchun o'rindiqlar ham ajratilmagan. Ishqibozlar maydon chetidagi to'siqdan keyin yotqizilgan chimlar ustida o'tirib bemalol o'yin ko'rishlari mumkin. Hatto murabbiylar shtabiga ham doimiy bo'lmagan o'rindiqlar beriladi. Agar kutilmaganda yomg'ir yog'sa zaxira o'rindig'idagilarni yomg'irdan to'sadigan to'siq yo'q. Zaxira hakami uchun ham hech qanday qulaylik yo'q. Ammo yuqorida ta'kidlaganimizdek, bunday kamchiliklar maydonda futbolchilarning chiroyli o'yin ko'rsatishlariga to'sqinlik qilmaydi.
Shayxontohurga yo'l olamiz
“NBU-Osiyo” aslida uy uchrashuvlarini poytaxtimizning Yunusabod tumanida joylashgan “Yoshlik” sport markazidagi stadionda o'tkazardi. Ammo so'nggi ikki yildan buyon bu maydonda rekonstruktsiya ishlari olib borilmoqda. Natijada “bankirlar” raqiblarini ijara asosida “Jar” stadionining mashg'ulot maydonida qabul qilmoqda.
Bu maydon muxlislarga yaxshi tanish, desak mubolag'a bo'lmasa kerak. Sababi, turli yoshdagi terma jamoalarimiz bir necha yillardan buyon shu maydonda mashg'ulot o'tkazib keladi, kerak bo'lsa, xalqaro o'rtoqlik uchrashuvlarini ham o'tkazishadi. Shayxontohur tumanining Chorsu dahasidagi maydon katta ko'chadan ham ko'rinib turadi. Shuning uchun stadionga kirishning iloji bo'lmasa, o'yinlarni maydonni o'rab turgan to'siqlar atrofida ham kuzatsa bo'ladi.
Maydonning ikki tarafida muxlislar uchun tribuna bor. Agar ikkala tribuna butunlay to'lsa, taxminan 1500-2000 ming ishqiboz o'yinni bevosita stadionda ko'rish imkoniyatiga ega bo'ladi. Bir tarafdagi tribuna bilan jamoalar uchun ajratilgan zaxira o'rindig'i birlashib ketgan. Zaxira o'rindig'ining usti yopilgan. Lekin istagan ishqiboz klub rasmiylariga halaqit berishlari mumkin. Hatto zaxira hakami ham hech narsadan himoyalanmagan. Unga o'tirish uchun stul yo'q, alohida maxsus joy ajratilmagan. Eng kerakligi bo'lgan tribuna bilan maydon orasida hech qanday to'siq yo'q.
Jamoalar “Jar”ning asosiy maydoniga qarashli echinish xonasidan foydalanishadi. Echinish xonasidagi holat oliy liga klublari darajasida. Issiq suv, sovuq suv, massaj xonalari, hojatxona. Maydon bilan echinish xonasi orasidagi masofa uzoqligi bois, na hakamlar va na jamoalar tanaffus vaqtida o'z xonalariga borishmaydi. Maydoning turli qismlarida hordiq chiqarib, murabbiy va nazoratchilardan tegishli ko'rsatmalarni olishadi.
Maydonning o'lchami standart talablarga javob beradi, tabiiy qoplamali chimning holati ham yomon darajada emas. Lekin a'lo deb ham bo'lmaydi. Kichik stadionda tablo bor, ammo ishlamaydi. Projektor haqida gapirishga umuman hojat yo'q. Xullas, bu stadionda ham muammolar bor.
Endi Shayxontohur tumanining boshqa hududida joylashgan “Oq-tepa” stadioni haqida. Asli umumta'lim maktabiga tegishli bo'lgan mazkur maydon kichik bir mahalla ichida joylashgan. Stadionning ikki tarafida ishqibozlar uchun tribuna bor. Katta ehtimol bilan bu o'yingohda bemalol uch ming muxlis uchrashuvni kuzata oladi. O'yingohning qolgan ikki tarafi maxsus to'siqlar bilan o'rab chiqilgan. O'sha ikki tomon avtomobillar o'tadigan yo'l bo'lganligi bois, o'yin davomida ham mashinalar harakatlanayotganini ko'rib turishingiz mumkin. Yoki o'sha ikki tarafda mahalliy aholi istiqomat qiladigan hovlilar joylashganini bois, ular kerak bo'lsa, uylarining ikkinchi qavatidan stadionda davom etayotgan o'yinlarni kuzata olish imkoniyatiga ega bo'lishadi. Yuqoridagi uch stadiondan farqli ravishda bu o'yingohda muxlislar bilan qanot hakami orasida katta to'siq bor. To'g'ri, masofa biroz yaqin va ishqibozlar bemalol referi assisentlarini, zaxira hakamini chalg'itishi mumkin, ammo asosiysi to'siq bor. Lekin bu erda ham zaxira hakami uchun alohida maxsus joy yo'q.
Maydonning o'lchami standart talablarning minimal darajasiga javob beradi, ya'ni, 100x64. Maydonga sun'iy chim yotqizilgan. Shuning uchun qishda aksar klublar shu maydondan foylanib turishadi. Zaxira o'rindig'i a'zolari va bir tomondagi tribunaning o'sti yopiq, yomg'irdan himoyalangan. Bu stadionda ham birinchi liganing ko'plab o'yingohlarida bo'lgani singari qo'l bola tablo ishlaydi.
Jamoalarning echinish xonasi talab darajasida. Keng va yorug'. Asosiysi, hojatxona va yuvinish xonalari bor. U erda issiq-sovuq suv muntazam ravishda bo'ladi. Hakamlar xonasida ham referilarga barcha sharoitlar yaratilgan. Qolaversa, echinish xonalari maydondan uzoqda emas, jamoalar tanaffusda ham bemalol echinish xonasiga yo'l olishadi. Ammo bu stadionda ham projektor borasida muammo topiladi. To'g'ri, ayrim uchrashuvlarda yoritgichlar yoqiladi, biroq projektorlarining yoritish kuchi yuqori darajada emas.
Umumiy muammolar
Birinchi liganing deyarli barcha klublari uchun umumiy muammo, bu stadionda OAV xodimlariga joy ajratilmaganidir. Musobaqada asosan havaskor klublar ishtirok etishi sababli bunga ehtiyoj sezilmasa kerak, ammo baribir OAVga qandaydir sharoit yaratilishi shart. Yana bir gap: yuqoridagi to'rttala stadioning hech birida uchrashuvlarga chipta sotish orqali klubning moliyaviy muammolarini qaysidir qismi “yopilmaydi”.
Vaholanki, zamonaviy futbolda chipta savdosi muhim rol o'ynayotganiga ancha bo'lgan. To'g'ri, yuqoridagi to'rt klubning uy uchrashuvlarini bevosita stadionda 100 nafarga etmaydigan ishqiboz kuzatadi. Shuning uchun chipta sotishga hojat yo'qdir, ammo klublarimiz professionallik sari intilayotgan ekan, bu borada ham ish olib borishsa, maqsadga muvofiq bo'lardi.
Manba: arena.uz
— deya xabar beradi uff.uz nashri.
Bosh sahifaga
659