"Barselona" klubi himoyachisi Xaver Maskeranoning soliqlardan bo'yin tovlash aybi bo'yicha navbatdagi sud majlisi bo'lib o'tdi. Sud futbolchini 815 ming evro miqdorida jarimaga tortdi va uni bir yilga ozodlikdan mahrum qilish bo'yicha hukm chiqardi. Ammo Maskeranoning advokati bu hukm bo'yicha apellyatsiya berishga ulgurgan. Agar futbolchi qo'shimcha 21 ming evro miqdorida jarima to'lasa, ozodlikdan mahrum qilish jazosidan qutulib qolishi xabar qilinmoqda. Eslatib o'tamiz, avvalroq futbolchi 1,5 milion evro miqdoridagi soliqlarni to'lashdan qochganligini tan olgandi.
— deya xabar beradi uff.uz nashri.