FIFA "Chedju Yunayted" va Janubiy Koreya terma jamoasi hujumchisi Kan Su Ilni doping tufayli ikki yilga diskvalifikatsiya qilishni istamoqda.
FIFA bu borada Lozannadagi arbitraj sudiga murojaat qilgan va koreyalik hujumchini ikki yilga futboldan chetlatishni so'ragan. Kan Su Ilning aytishicha, ta'qiqlangan modda uning organizmiga doping maqsadida emas, balki mo'ylovni o'stiradigan kremdan tushgan. Unga ushbu kremni sovg'a qilishgan edi.
Kan Su Il o'tgan yilning iyunida antidoping nazoratidan o'tgan va uning organizmidan anabolik steroid metiltestosteron topilgan edi. Hujumchi shundan so'ng Koreya chempionatida 15 ta o'yinga diskvalifikatsiya qilingan.
Bu borada navbatdagi sud ishi 5 fevralda bo'lib o'tadi.
— deya xabar beradi uff.uz nashri.