Ayni damda Qozog'istonning Olmaota shahrida yig'in o'tkazayotgan futzal bo'yicha O'zbekiston terma jamoasi 22 yanvar kuni mezbon – Qozog'iston terma jamoasiga qarshi ilk o'rtoqlik uchrashuvini o'tkazdi.
Olmaota shahridagi Zenit sport majmuasida bo'lib o'tgan ilk uchrashuvda Xose Mariya Mendes jamoasi 3:1 hisobida mag'lub bo'ldi. O'zbekiston terma jamoasi safidagi yagona golga Artur Yunusov mualliflik qildi. Mazkur jamoalar o'rtasidagi ikkinchi o'rtoqlik uchrashuvi rejaga ko'ra 23 yanvar kuni bo'lib o'tadi.
Eslatib o'tamiz, Olmaota shahridagi yig'in Xose Mariya Mendes bosh murabbiyligidagi terma jamoa uchun Toshkentda bo'lib o'tadigan Osiyo chempionat o'yinlariga tayyorgarlik vazifasini o'taydi. O'zbekiston terma jamoasi shuningdek, 28 yanvar kuni Toshkentda Vetnam terma jamoasiga qarshi o'rtoqlik uchrashuvi o'tkazishni rejalashtirgan.
O'rtoqlik uchrashuvi.
22 yanvar. Olmaota, Qozog'iston.
Qozog'iston – O'zbekiston 3:1.
Gol: Artur Yunusov.
O'zbekiston terma jamoasi: Rustam Umarov, Artur Yunusov, Konstantin Sviridov, Dilshod Rahmatov, Farhod Abdumavlonov.
Zaxira: Akmal Xazratqulov, Klim Tyugaev, Nodir Eliboev, Javlon Anorov, Feruz Faxriddinov, Dilshod Rahmatov, Andrey Shlema, Davron Choriev, Jamoliddin Sharipov.
— deya xabar beradi uff.uz nashri.